Covalima (RCCT) 18-04-25-Juven mane ida ho idade 37, husi Aldeia Busa Da’o, Suku Belekasak, Postu Administativu Maukatar, hili dalan hakotuk nia vida liu husi tara an iha ai leten iha Jardim Relijoza Lakirin. Insidente ne’e akontese hale’u tuku 11 dader san, iha Foho Lakirin, Aldeia Leogore, Suku Holpilat, wainhira ema hotu preparadu no antisiasmu atu partisipa Biasakra, maibe Bendito Amaral Hili dalan hakotu nia vida iha loron hanesan ho ema at sira hedi Jesus ba kruz.
Familia Matebian, Rosalina Cardoso de Jesus haktuir durante ne’e Bendito Amaral (matebeian) sofre moras metal hahu kedas iha 2023, maske nune’e molok mosu insidente (tara an), dadersan matebian Bendito Amaral sei mata bisu hamotuk ho familia iha uma, hafoin ida idak la’o ba fatin konsetradu Biasakra sexta feira santa nian.
“ ohin dadersan ne’e nia sei hemu be’e manas hotu tia ami ba fali ema atu biasakra ne’eba depois to’o iha ne’eba ha’u mos tur hela iha eskola oin tanba udan no ami mos hein atu tuir biasakra husi postu Maukatar atu tun mai ami hein iha lagis ne’eba, hein iha ne’eba derepente alin sira tlfn mai dehan ema tara an pois ha’u sei husu ne’e mak ami mos hakfodak halai sa’e ba atu to’o iha dalan lakirin ne’eba ha’u hamrik iha ne’e ema envia los ona matebian nia foto iha media facebook, dopois kolega ida hatudu foto fo ha’u, ha’u hare tia hau senti dada is la hetan no hau senti triste ho tanis deit tamba durante ne’e matebian moras mental” Rosalina Cardoso de Jesus, Konta.
Danilo Amaral fo sasin, wahira simu resonsavel husi amo atu hananu iha misa paisaun sexta feira santa iha jardim relijioza Lakirin. Aranka husi ninia rezidensia Nadak hamotuk ho ninia kolega ida, to’o iha ne’eba hasoru ninia subriña na’in rua ho tauk halai tun mai hodi informa katak hetan ema ida tara an iha ai leten.
“ami nain rua kolega mestri Samuel ne’e amu fo servisu ami na’in rua atu toma konta ba kanta paisaun ba sesta feira ohin nian iha lakirin tutun ne’eba, ami na’in rua ba la hamutuk ho sira biasakra, to’o iha ne’eba, kolen entaun ami nia intensaun ne’e deskansa itoan iha kurus ne’eba, komu to’o iha ne’eba subriña na’in rua ne’e la’o uluk itoan ami rua depois sira na’in rua atu hakat ain ba eskada hetan ema tara an iha ai leten, depois sira na’in mos tauk halai fila mai ami na’in rua, mai hatete dehan “ita ba hare lai ema tara an ne’eba ne’e lai”, depoia ami mos hakat ba ne’eba ami hare husi dok deit, ha’u hanoin ohin sesta feira santa ne’e, hanoin estatua mak iha ne’eba, tanba matebian nia tara an ne’e nia uza ropa ne’e modelu hanesan jesus, mais hare didi’ak ema no ami mos la besik no kontaktu kedas komandante eskuadra Maukatar, komandante mos hatan dehan imi mantein iha ne’eba maibe labele besik no ami mos hein to’o Komandante sira mia duni to’o iha fatin ne’e duni” Danilo Amaral, hasara.
Ho Insidente ne’e, Polisia Investigasaun husi Komandu Munisipiu Covalima to’o kedas iha fatin akontesementu, nune’e Familia Matebian husi ba Polisia atu labele halo Otopsia nune’e familia husi lisensa hodi evakua Bendito Amaral nia isin mate ba uma nune’e familia bele halot tuir lisan Maukatar nian.
Maktoban Bendito Amaral, moris iha loron 12, fulan Setembru, tinan 1988, iha aldeia Busa Da’o, Suku Belekasak, Postu Administrativu Maukatar, Bendito hanesan oan mane primeiru husi maun alin na’in 7, kompostu husi Feto na’in 3 no mane na’in 4. Husi Aman Justino Amaral no Inan Leonia Bita Bere.
Jornalista : Alfredo Barreto
Editor : Chamot Nahac
