Covalima (RCCT) 22-04-25-Autoridade Munisipiu Covalima, liu husi SMPID konvoka reuniaun ho Lideransa Suku, Autoridade Postu no Diretór Servisu Munisipal sira hodi ko’alia konaba Matrix ba lista PIM Nivel Munisipal periode 2026.
Diretór Servisu Munisipal Planu Integradu Dezenvolvimentu (SMPID), Carlito Barros dos Reis, Matrix PIM 2026 ne’e halo bazeia ba Proposta Prioridade ne’ebé difini liu husi Asembleia Postu Administrativu (ASPA) no mos husi servisu delegasaun teritorial sira iha Munisipiu Covalima.
“Ita nia propriedade ne’ebé maka ita submete mai iha suku balun ami ekipa husi PDIM ba akompaña ita bo’ot sira halo kanalismu iha suku I depois sa’e mai to’o iha ASPA, foin dadauk ita b’oot sira hala’o ona hodi define ita bo’ot sira nia prioridades ba 2026 nian, ida ne’e mai husi Postu sira, mai husi kanalismu teritoriais sira ne’ebé mak submete ona ita bo’ot sira nia proposta mai iha projetu ba iha 2026. Tuir prosesu normal ne’ebé mak ita la’o ona hanesan baibain mak agora ita la’o ona, ne’e mak agora ita foin halo ita nia matrix depois dirije tan husi ida ne’e ita sei lori ba aprova iha KKM” Carlito Barros dos Reis, hatete.
Prezidente Autoridade Munisipiu Covalima, Miguel Armada Cardoso (Razão) husu ba Servisu Munisipal Planu Integradu Dezenvolvimentu atu identifika projeitu sira ne’ebé la pasa iha PIM tinan 2025, nune’e bele halo apromisaun ho governu para bele implementa iha tinan 2026.
“Husi ba Diretór SMPID atu identifika, projetu ne’ebé mak ita iha, iha 2025 la pasa sira ne’e, 2026 agora ita koko, ita buka hakbesik an ho meius no tekenik balu atu ita bele hetan netik projetu ne’ebé mak barak uitoan. 2025 ita nia projetu tolu deit, Munisipiu balu laiha tan orsamentu konsentra ba iha ministerium, iha Obras Publiku no MPIE” PAM Covalima, Miguel Armada Cardoso (Razão).
Entretantu iha Reuniaun ne’e Servisu Munisipal Planu Integradu Dezenvolvimentu diriji autoridade Munisipiu no Postu sira, Lideransa Suku ho halo matrix ba lista PIM 2026 nian hamotuk 33 ne’ebé bazeia ba planu prioridade husi suku sira ne’ebé pasa ona iha Asembleia Postu Administrativu hitu.
Jornalista : Erick
Editor : Chamot Nahac
