Covalima (RCCT)01-09-2025- Sekretariu Administrasaun no Finansas Alberto Moniz de Araujo, informa katak tinan ne’e Covalima sei selebra loron konsulta popular 30 de Augustu hamotuk komemorasaun masakre setembru negro iha loron 6 fulan setembru.
Autoridade Munisipal ne’e relata lia ne’e wainhira sai inspetor serimonia isar bandeira nasional primeiru semana iha ne’ebé realiza iha resintu administrasaun munisipiu Covalima, Segunda (01/09)
“30 de Agustus ita la konsege realiza mais ita realiza hamutuk ho Setembro Negro ninian ne’ebé maka ita servisu hamutuk ho diresaun hotu-hotu ho mos Sentru Nasional CHEGA. Ita hotu sente katak Setembro Negro ne’e mosu tamba 30 de Agustus ita hala’o konsulta popular iha 1999. iha 30 de Agustus, ita timor oan maioria foti desizaun ba ukun rasik an ho pursentu ida ne’ebe bot liu” Alberto Moniz de Araujo, dehan.
Sekretariu Administrasaun no Finansas Alberto Moniz de Araujo nafatin motiva funsionariu atu disiplana iha servisu no hatudu sentidu nasionalizmu wainhira partisipa iha serimonia isar bandeira nasional.
“Iha fulan hirak liu ba ha’u fo hatene ona katak mai partisipa iha ixar da Bandeira tenke uza xapeo, atu bele fo kontinensia ba ita nia Bandeira Nasionall, atu nune’e ita bele hatudu ita ninia sentidu nasionalismo no patriotismo ba Bandeira no rai doben ida ne’e” tenik nia.
Iha serimonia ixar da bandeira primeira semana fulan setembru ne’e hala’o iha resintu Administrasaun Munisipiu Covalima ne’ebé patisipa husi diretór Servisu Munisipal no delegasaun teritorial sira, PNTL Covalima, Seguransa Sivil, no mos korpu Bombeiros inklui funsionariu sira iha Munisipiu Covalima..
Jornalista : Gabriel Amaral da silva
Editor : Chamot Nahac
