Covalima (RCCT) 17-03-25-Autoridade Covalima Fahe Informasaun ba Administrador Postu no Diretór Servisu Munisipal sira konaba Elaborasaun Planu Asaun Annual (PAA) 2026.
Sekretariu Munisipal Administrasaun no Finansas, Alberto Moniz de Araujo hatete, atividade preparasaun ba elabora planu asaun anual ne’e, diretór munisipal no Administrador Postu Adminsitrativu sira, diskuti pontu konaba mapamentu rekursu umanu no kompetensia ba dirijenti sira bazeia ba dekretu lei numeru 3/2016 kinta alterasaun dekretu lei numeru 84/2023 konaba kompetensia Autoridade Munisipiu Covalima
“Aktividades ida ohin realiza Postu Administrativu Suai ne’e iha tolu ida konaba pontu de partilla planu anual nian segundu mak konaba etapa profile mapamentu iha diresaun rekursu humanu nian atu hare funsionariu publiku ne’e na’in hira ajente administrativu ne’e na’in hira no mos kazuais ne’e para bele iha kolokasaun funsionariu sira ne’e iha balansu ho nune funsionariu balun iha diresaun balu barak liu ita kompara fali ho diresaun servisu munispal seluk ho postu tanba ne’e mak objetivu ida ohin sorumutu ida ohin ne’e atu halo aliñamentu no dezagrega aliñamentu ba funsionariu sira ne’ebé bele koloka iha kada diresaun servisu munisipal no postu administrativu hitu no mos halo dezagrega konaba planu rekursu ninian ne’ebé maka iha pontu tolu ne’ebé la kait ba malu ida konaba planu orsamentu ba 2026 nian no mos planu asaun anual liga ba iha planu rekursu depois mak husi tolu ida ne’e mak ita bele tama bele sasukat ona husi avaliasaun dezempeñu ba ezekusaun kada kuadra mestral iha orsamentu nian” Sekretariu Munisipal Administrasaun no Finansas, Alberto Moniz de Araujo, esplika.
Administrador Postu Administrativu Fohorem Delfim Amaral Ferreira, deklara relasiona ho preparasaun elabora planu asaun anual 2026, Postu Fohorem prepara planu orsamentu kada trimestral hodi aprejenta ba ajensia planeamentu no finansa munisipiu hodi elabora hamutuk, molok aprezenta ba komisaun revizaun orsamentu nasional.
“Ami nia preparasaun nudar Adminisitrador Postu, ida idak nia postu ita tenki ser halo planu hodi preparasaun orsamentu ba iha 2026 ninian. Iha ne’e ami prepra ninia planu anual hodi nune’e apresenta ba iha munisipiu no munisipiu sira hare hamutuk depois lori ba iha nivel nasional” katak Delfim.
Entretantu atividade enkontru preparasaun elabora planu asaun anual 2026, ne’e hala’o iha salaun Administrasaun Postu Administrativu Suai, ne’ebé partisipa husi Diretór Servisu Munisipal sanulu resin sia no Administrador Postu Administrativu Hitu iha Covalima.
Jornalista : Alfredo Barreto
Editor : Chamot Nahac
