Covalima (RCCT) 06-03-23–Asosiasaun da resistensia Nasional Libertasaun dos veterano (ARNLV) fo pose ba estrutura Asosiasaun nian iha Munisipiu Covalima nune’e bele halo servisu tuir objetivu prinsipal 3 mak Asosiasaun ne’e iha ona mak hanesan, atu halibur dadus husi eis militar primeiru linha no segundu linha tempu portuguesa nian, halibur dadus profesores portuguesa ba mate no sei moris, atu halibur mos dadus konaba ofisial administrasaun iha tempu portuguesa ba ema sira nebe mate ona no sira nebe mak sei moris.

Prezidente Asosiasaun da resistensia Nasional Libertasaun dos veterano (ARNLV) Eduardu da Costa Mali metan hatete Asosiasaun hamrik ho programa 3 atu hadia eis militar, eis profesor, no ofisial administrasaun tempu portuguesa nian.

“Asosiasaun ne’e Hamrik ho prorama 3, ida mak atu hadi’a eis militar, eis profesor, no ofisial administrasaun sira nebe halo servisu iha tempu portugal nian” mali metan esplika

Mali Metan Fundamenta, Governu Timor leste tenki tau matan ba Eis Militar Portuguesa tan uluk sira mos kontribui ba timor leste.

“Eis Militar Portguesa sira mos luta no fo kontribuisaun ba ukun rasik an ida ne’e, tanba ne’e governu tenki tau matan mos ba sira” Tenik nia

Segundu presidente Asosiasaun resistensia Nasional Libertasaun dos veterano-Munisipiu Covalima Joanico dos Santos Pereira klarifika asosiasaun ida ne’e eziste atu hadia dadus konaba eis militar portuguesa nian, ho ida ne’e mak dadaun ne’e Asosiasaun ne’e rekolla ona dadus eis militar portugiesa, primeiro linha, no segundu linha iha Covalima hamotuk ema nain 133.

“hanesan ita hatene karak asosiasaun ne’e hamrik atu hadia dadus eis militar portuguesa sira nian, n’e’e dadaun ne’e ita rekolla ona, dadus konaba primeiru linha no singunda linha hamotuk ema na’in 133” nia esplika

Entretantu iha Covalima Asosiasaun resistensia nasional libertasaun dos veterano rekolla ona dadus hamotuk 133 kompostu husi ema moris nain 36, ema mate 97, primeir linha 26 no segundu linha 107.