Covalima (RCCT) 12-06-25-Kordenador Eskola Baziku Filial (EBF) Usekai, Armindo da Costa kesar ba Jornalista sira dehan hato’o pedidu dala tolu ba Servisu Munisipal Edukasaun Covalima konaba eskola Usekai infrenta menus profesor maibe to’o agora seidauk simu responde serteja no pozitivu.
EBF Usekai lokaliza iha Postu Administrativu Zumalai, iha deit koordenador na’in ida no profesor na’in ida maibe manorin na’in ne’e iha kondisaun ladun normal.
“Iha ne’eba ami na’in rua deit uluk. Ami na’in tolu, maibe ida mate tia hela deit ami rua, maibe hanesan deit ha’u nia kolega ne’e kondisaun la normal ne’ebé iha ne’eba ha’u mesak. Primeiru ano to’o sestu ano ha’u mesak mak hanorin. Ha’u hato’o ona ba Munisipiu dala tolu maibe to’o agora la mosu Mai” hatete Kordenador ebf uiskai Armindo da Costa
Total estudante primeiru ano to’o sestu ano iha EBF Usekai hamutuk ema na’in 55. Portantu, Koordenador Armindo da Costa nafatin husi ba Ministeriu Edukasaun atu koloka tan profesor hodi apoiu prosesu aprendijazem iha Eskola Baziku Filial Usekai.
Jornalista : Alfredo Barreto
Editor : Chamot Nahac
