Asessor prinsipal iha Gabinete prezidensial Asuntu Sosiais Gaspar Afonso dehan ema ho difisiensia hasoru difikuldade oi oin iha moris lor loron, barak mak sei iha uma ne’ebé ho kondisaun la dignu ba sira, tan ne’e husu nonu governu tau iha planu orsamentu jeral estadu hodi fo mos prioridade no involve direta ema ho difisiensia.

“Buat ida apoiu nesesiade baziku ne’e hanesan maneira ida atu ita bele nafatin kontaktu malu tanba luta ida ne’e, ema difisiensia sira sei hasoru difikuldade lubuk ida iha sira nia moris loro loron, balu uma laiha balu uma la dignu balu rendimentu uma laran susar los, ho ida ne’e mak ita nafatin fo informasaun ba malu, ha’u hanesan representa ema ho difisiensia iha palasiu prezidenti atu hato’o ba Sua Excelensia, kuandu aprova osamentu ou debate osamentu 2024 nian oinsa guvernu bele hare, Nonu guvernu ida ne’e tau programa prioridade ba ema ho difisiensia maibe ladun klean tanba la involve direita ita ema ho difisiensia hola parte iha ne’eba.” deklara Asessor, Gaspar Afonso ba Jornalista sira Kinta ne’e iha Suai, Bairo Costa, Debos.

Gaspa Fundamenta “ida ne’e mak susar imi rona maluk sira ministeru solidaridade sosial atu hasa’e tan subsidi mais buat ida hasa’e ne’e halo buat ida korupsaun ne’e nafatin mosu tan, tanba ema balun oras ida hetan, ema balu la hetan hanesan liafuan sira ita rona ne’e iha oecusse, imi imazina ema hela iha uma at autoridade lokal husu ema ho difisiensia tenki desidi hili simu osan ka hili hetan uma tuir lolos ema ho difisiensia merese hetan rua hotu, se nia hetan deit uma loro loron nia han saida” Tenik Gaspar.

Difisiansia Armado do Carmo husu ba futuru kontinua fo apoiu ba ema ho difisiensia iha Covalima maibe persija hasa’e kuantidade apoiu atu nune’e bele sufisiente ba ema ho difisiensia iha Covalima bele simu hotu.

“ha’u nia hakarak ba oin, atu aumeta tan atu nune’e sira bele hetan hotu apoiu husi estadu, atu nune’e sira mos bele sinti, ita hotu hare ajuda fos saku lima, supermi, ida ne’e ha’u ladun satisfas, ba ami na’in 9 ha’u hare ajuda ne’e ba ha’u tristi, ladun di’ak tanba fo karong lima deit ida ne’e lato’o ne’ebé ha’u senti triste tebes tanba ami na’in hira ne’e hetan balun triste hetan iha ami nia kotuk” Armado espresa

Entretantu Nesesidade baziku ne’ebé apoiu husi Gavinete prezidensial asuntu sosiais ne’e kompostu husi fos, mina tein no supermi.

Jornalista : Moichung/Balta Monis

Editor       : Chamot Nahac