Maubise (RCCT) 20-08-25-Aluminium Parlamentar Foin Sa’e Timor-Leste (APFTL), selebra loron Mundial juventude liu husi halibur grupu produtor sira husi munisipiu 12 hodi loke feira iha fatin turistika Rabilau, ne’ebe lokaliza iha Postu Administrativa Maubise, Munisipiu Ainaro.
Reprezentante APFTL Domingos Araujo, hatete, atividade espozisaun ne’e realiza ho objetivu atu promove fatin turistika Rabilau no promove grupu joven produtor sira husi Munisipiu hotu.
“Ami hili fatin Rabilau tanba estartejiku tebes atrai turista sira mai vizita, ami mos halibur grupu produtor sira mai loke espozisaun ne’e hodi bele hatudu katak timoroan sira iha kreatividade halo produsaun hodi ajuda dezenvolvimentu ekonomia rai laran,” dehan Membru Parlamentu Foins Sa’e ba jornalista sira Rabilau, Maubise Kuarta (13/08/2025).
Reprezentante OXFAM Timor Leste, AdiIson Junior, dehan, atividade espozisaun ne’e atu ajuda di’ak liu tan komunidade agrikultor sira, liu liu atu hatudu provas katak Timor Leste mos iha fatin potensial barak.
“lta timoroan ita tenke promove iha potensial turistika komunitaria no ita rasik mos iha potensial no matenek ne’ebe ita iha nune’e ba oin sei dezenvolve di’ak liutan,” Adilson dehan.
Iha fatin ne’e, Xefe Suku Maubise Vila Munisipiu Ainaro,Wilson Nivio Pereira Mendonça Maria, agradese ba APFTL ne’ebé ho inisiativa di’ak realiza atividade espozisaun ne’e, hodi mellora grupu joventude agrikultur sira iha futuru. Lideransa Suku ne’e dehan, liu husi atividade ne’e bele fo apoiu hodi hadia di’ak liutan fatin turistika iha Rabilau.
Jornalista : Julio Salinas
Editor : Chamot Nahac
