Covalima (RCCT) 08-07-25- Autoridade Protesaun Sivil (APC-Sigla Portuguesa) Munisipiu Covalima rekolla dadus vitima dezastre naturais peridou tinan 2025 hamutuk Lima nulu resin rua (52).
Komandante APC Covalima, Celestino Afonso Pereira relata. Husi total numeru vitima 52 ne’e iha iha vitima 12 maka hetan apoiu emerjensia, no mos iha uma 38 mak prepara atu hetan material rekoperasaun, kompostu ba kategoria ba uma at total hamotuk 29, at naton 1 no at kaman 2.
“Husi uma kain 52 ne’e Iha Uma kain 12 maka hetan ajudan emergensia. Iha Uma kain 38 ne’e mak preparasaun atu hetan ajudan rekuperasaun ninian, husi 38 ne’e tuir ami nian tarzetu halo mos identifikasaun ne’ebé mak kategoria at total ne’e hamutuk 29 no at naton hetan 1, at kaman 2. Prosesu ba ona sei lori relatoriu ba nasional. La’os Ita Munisipiu mak foti desizaun ne’e, sira nasional mak foti liu husi prosesu lubuk Ida” Komandane APC Covalima, Celestino Afonso Pereira relata.
Entretantu Autoridade Protesaun Sivil Munisipiu Covalima hein deit aprovosaun ba pedidu no orientasaun husi nasional hafoin halo distribuisaun apoiu material rekoperasaun vitima dezastre sira Covalima.
Jornalista : Alfredo Barreto
Editor : Chamot Nahac
