Covalima (RCCT) 29-05-25-Administrador Postu Administrativu (APA) Tilomar, Venancio Sarmento hatete sei kopera ho lideransa suku Lalawa hodi Sobu Uma MDGs ne’ebé ne’ebé governu gastu ona osan hodi hari maibe Povu la utiliza.
Autoridade Lokal ne’e dehan sei sobu hotu Uma MDG’s ne’ebé durante abandona, engkuantu uma MDG’s iha Postu Administrativu Tilomar kuaze unidade atus tolu resin.
“Iha Postu Tilomar Uma MDG’s hamutuk unidade 300 resin, durante ne’e balu ita nia komunidade sira okupa hela, maibe balu abandona, Ida ne’e maka ita ta iha ona planu ho autoridade lokal sira atu hare kona ba uma ne’ebé komunidade sira la hela, maibe material ne’ebé abandona ne’e sei di’ak hela, ho ida ne’e maka autoridade Postu iha ona planu atu bele sobu fila fali uma hirak ne’e, material ba Uma hirak ne’e sei bele uza ita fo ba komunidade sira ne’ebé nia Uma kondisaun ladi’ak sira bele aproveita material hirak ne’e, duke abandona ou estraga material ne’ebé ninia kualidase sei di’ak bele utiliza” Informa APA Tilomar Venancio Sarmento ba jornalista sira iha Administrasaun Munisipiu Covalima, Kuarta (28/05).
Xefe Suku Lalawa Zefrino Jesus de Richman relata Uma MDGs ne’ebé harii iha Suku Lalawa hamutuk unidade 302, maibe husi uma hirak barak liu maka abandona tanba komunidade la uza hodi hela ba.
“Konstrusaun Uma MDGs Iha Suku Lalawa ne’ebé arkiva iha lista Administrasaun Suku Lalawa unidade uma 302, Aldeia-4 maka hetan uma refere hanesan Aldeia Bitis iha uma unidade 104, Aldeia Kota Foun unidade 70, Aldeia Hali Mea unidade 70 mos no Tula Eduk iha unidade 58, husi total uma unidade hirak ne’e iha Tula Eduk husi Uma 58 ne’e, ema hela de’it iha uma 33, restu la hale ba, tanba iha ne’eba mos ita iha dadus uma kain 33, iha Bitis 52 familia maka hela ba dala ruma la hela permanente, iha Kota Foun” Nia dehan.
Administrador Postu Administrativu Tilomar dehan razaun komunidade barak la aproveita hela iha uma MDG’s ne’ebé governu fornese tanba sira barak maka hela iha area tetuk, nune’e kuandu sira hele iha uma refere maka sira labele halo to’os ka kintal iha uma sorin.
Jornalista : Julio Salinas
Editor : Chamot Nahac
