Reprezentante Diretór Sentru Solidaridade Sosial no Inkluzaun Munisipiu Covalima, Nelson de Jesus Dehan, Papel Ministeriu Solidaridade Sosial no Inkluzaun nian mak atu toma responsavel ba familia vuneravel no ema difisiensia sira.

“Apoiu Ai han ida hanesan papel ida husi MSSI nian atu hare ba familia ne’ebé k’bit laek inklui mos maluk sira ho difisiensia, apoiu ida ne’e hanesan atu hodi hatutan familia sira nia moris loro loron nian, MSSI nafatin husi Administrador Postu no Xefe suku sira atu nafatin halo identifikasaun ba familia sira ne’ebé mak k’bit laek, atu ita bele fo apoiu ai han ne’ebe ita iha” Reprezentante Diretor SSSI Covalima, Nelson de Jesus dehan.

Administrador Postu Administrativu (APA) Suai, Ildefonso Maria Amaral, motiva familia sira ne’ebé beran la to’o atu hetan ai han iha moris loro loron nian, atu nafatin hato’o informasun ba xefe suku no Xefe Aldeia sira nune’e bele husu tulun ba governu liu husi ministeriu solidaridade.

“Ha’u nia motivasaun ba familia iha ne’e, karik senti forsa no beran la to’o atu hakat liu ba governu, bele liu husi xefe suku, xefe aldeia no delegada/o sira nune’e ami bele asaun imediata ba familia sira ne’ebé volnuravel tebes, hau sei orienta ba xefe suku no membru konsellu suku hotu halo idetifikasaun hodi rekolla ba familia ne’ebé k’bit laek tebes, nune’e bele halo pedido ba administrasaun postu, bele enkamina liu ba parte relevante sira hodi atende nesesidade ba familia ne’ebé volnuravel tebes no mos” dehan APA Suai Ildefonso Maria Amaral ba RCCT iha Aldeia Meop Suku Labarai.

Xefe Suku Labarai Paulo de Sena, Agredesa ba Asaun ne’ebé Administrador Postu Suai no Sentru Solidadridade Sosial no Inkluzaun Covalima, halo nudar karidade nabilan ba nia Povu iha Aldeia Meop.

“Ha’u nia agradesementu ba APA Suai no delegasaun MSSI maske fos no material ne’ebé uitoan, maibe ida ne’e nudar karidade ba malu atu hare ha’u nia povu suku labarai, aldeia meop, familia ne’e hasoru duni susar, liu husi ninia difisiensia matan, to’o tempu nia husu familia no vizinu laiha maka hakarak ka lakohi sira han duni nu maran” Xefe Labarai esplika.

Entretantu Adminstrador Postu Administrativu Suai Ildefonso Maria Amaral, Orienta Xefe Suku no Xefe Aldeia Sira atu halo levantamentu dadaus ba komunidade vuneral sira ne’ebé infrenta urjentemente laiha ai han ba moris loro loron nian.

Reportazen RCCT

Editor : Chamot Nahac