Covalima(RCCT)15-07-2025-Administrador Postu Administrativu (APA)Suai, Ildefonso Maria Amaral kestiona konaba kualidade servisu manutensaun estrada iha area urbana ne’ebé hadia’k seidauk to’o fulan aklataun at fali ona.
Ildefonso dehan, kompañia WTZ nia servisu manutensaun estrada area urbana iha Postu Administrativu Suai, iha Area Aidila laran Suku Debos no Suai Loro.
“Durante ne’e observa hela ba kompañia WTZ durante ne’e nia halo hela baleta sira ne’e liu-liu manutensaun ba estrada i lakleur nia hakat tia servisu ida sedauk hotu nia hakat tia ba Tilomar i foin daudauk ne’e ha’u rona iha media katak nia hakat ona to’o iha kuluoan halo ateru iha ne’eba maibe nia lahatene katak ninia servisu balu iha area postu agora aspal ida mak nia halo manutensaun ne’e komesa aat fali ona liu liu iha parte Aidila laran nian no parte Suai loro, aspal ne’e mos bubu sa’e” APA Suai dehan.
Administrador Postu Administrativu Suai mos kestiona konaba projeitu kanalizasaun bee mos iha Suku Debos ne’ebe mak la’o atraja no seidauk finaliza tanba daudaun ne’e kompañia implementado abandona ona servisu.
“Obra kanalizasaun bee mos iha Postu Administrativu Suai liu-liu iha Suku Debos. Durante ne’e sira servisu atraja liu I ha’u mos konsege ba hasoru kompañia refere bo kompañia deklara ona katak ninia material konstrusaun ne’e mak tarde tanba kompras ne’e kuaze iha nasaun liur hotu. Ha’u kordena ho parte BTL hodi ba halo observasaun no husu ba kompañia refere atu aselera lalais obra hirak ne’e hodi nune’e ita nia komunidade sira bele ona asesu ba bee mos ho di’ak liu tan.” Tenik APA Suai.
Maske nune’e Administrador Postu Suai, Ildefonso Maria Amaral nafatin husu ba kompañia sira ne’ebé hala’o projeitu iha Suai atu garantia kualidade servisu hodi benefisiu ba komunidade sira iha Covalima, Partikularmente iha Suai.
Jornalista :Gabriel Amaral Da silva
Editor : Chamot Nahac
