Covalima (RCCT) 27-11-25- Autoridade Munisipiu Covalima (AMC), halo ona akordu ho belun husi Manawatu-Nova Zelandia (NZ), atu investe iha Munisipiu Covalima, liu husi atividade hakiak karau hodi produs susun ben iha Postu Administativu Suai no Tilomar.
Prezidente Autoridade Munisipiu Covalima, Miguel Armada Cardoso, Kodigu Razão dehan lori investor husi Nova Zelandia mai Munisipiu Covalima atu hakiak karaun-susuben nune’e bele fornese hodi apoiu ba programa merenda eskolar ne’ebé dadaun ne’e la’o hela iha eskola sira.
“Foin dadaun ha’u nudar prezidente autoridade ba ona iha Manawatu, asina ona akordu ida ho sira, liu husi ministerium administrasaun estatal, katak sira atu mai investe. Akordu konaba ba sira atu mai investe hakiak karau susuben iha covalima hodi bele responde ba merenda eskolar, no mos prepara bai ha Suai Supply Base” PAM Covalima esplika.
Autoridade Covalima ne’e mos relata katak dadaun ne’e hamotuk ho konselor husi Manawatu halo ona observasaun ba rai ne’ebé sei utuliza ba investimentu setor agrikultura iha Postu Administrativu Suai no mos Tilomar.
“Ami vizita ona ba iha area Kasabauk, ami mos vizita bai ha akar laran, iha 43 hektares, iha moru laran eskola nian, rai ne’e husik hela deit, entaun ita uza hodi investe hakiak animal nune’e alunus sira ne’e eskola iha area agrikultura no pekuaria ne’e bele halo Pratika” tenik Razão.
Prezidente Autoridade Covalima mos dehan konaba ba rai iha Kasabauk Postu Administrativu TIlomar sei idetifika husi terras no propriedade maibe ida ne’e rai estadu.
Reportazen Chamot Nahac
