Covalima (RCCT)29-08-23–Governu da Sia, Timor Leste liu husi Primeiru Ministru, Kay Rala Xanana Gusmão fo rekoñesementu ba Membru Dewan Solidaritas Mahasiswa Pemuda Pelajar Timur Timur (DSMPPTT) Covalima hamotuk nain78 liu husi atribui sertifikadu apresiasaun ba Dewan sira nia dedikasaun hodi liberta Timor Leste.

Nune’e Molok Simu Sertifika Apresiasaun husu Governu Timor Leste, DSMPPTT iha Covalima, hamotuk na’in 78 selebra misa agradeseminetu iha igreja Ave Maria suai, hafoin halo juramentu iha Monumentu masakre setembru negro suai iha loron 29 loro kraik, molok 30 de agusto sira simu sertifikadu apresiasaun husi governo TL.

Alexandrino Cardoso da Cruz Kodigo “Alex Tatto” nudar Vice Koordenador DSMPPTT iha Munisipiu Covalima dehan Dewan Solidaritas nia dedikasaun ba luta libertasaun timor leste ho tempu nebe badak mai hatur ho nia kualidade.

“Dewan nia dedikasaun ba Luta Ukun Rasik an ida ne’e ho deit tempu badak, maibe iha kualidade, iha tempu neba, kuandu dewan hamrik, ami la preokupa ho mate, maibe ami preokupa deit ho oisan rai ida ne’e bele hetan ukun rasik an, ami mos la hanoin atu iha loron ikus atu hetan buat diak ruma husi ukun na’in sira, hanesan osan ka sertifikadu hanesan ami atu simu aban ne’e,” Alex Tatto deklara.

Alex Tatto Afirma Dewan Soliadritas Mahasiswa Pemuda Pelajar Timor Timor sei nafatin pronto fo kontribuisaun ba Deenvolvimentu Timor Leste hodi liberta povu husi kiak no mukit.

“Ohin ba oin Dewan sei prontu nafatin fo ami nia kontribuisaun,liu liu ba dezenvolvimentu rai ida ne’e, no mos atu luta liberta povu ida ne’e husi kiak no mukit,” tenik nia.

Alex Tatto husi ba foin sira iha Covalima, atu banati tuir Dewan Solidaritas nia hahalo nebe nunka tau odio ba malu no rona malu hodi hakribi konflito.

“Ba Juventude sira iha Covalima, baniti tuir ami dewan nia hahalok nebe uluk ami hamotuk, sempre hadomi malu, rona malu, fiar malu, karik iha naksalak bolu malu tur hamotuk hodi rezolve, hakribi konflitu entre joven rasik, mensajen ba juven Covalima sira, hahu ohin ba oin ita haluha ona konflitu no ita fo bem vindu ba dezenvolvimentu” Katak Alex

Nune’e Alex Tatto Nafatin husi ba Foin sira iha Munisipiu Covalima atu hadomi malu hodi fo adeus ba konflito no benvindo ba dezenvolvimentu.

Entretantu, Dewan Solidaritas Mahasiswa Pemuda Pelajar Timur Timur estabelese nia sanak iha munisipiu Covalima, hahu iha tinan loron 8 fulan junu 1998, ho intensaun atukontribui ba liberta timor leste husi ukun governasaun Indonesia nian iha tempu neba.