Covalima (RCCT) 20-05-25-Sekretariu Munisipal Administrasaun no Finansas Munisipiu Covalima, Alberto Moniz de Araujo, Kongratula peletaun hotu hotu ne’ebé hola parte iha serimonia isar bandeira nasional hodi komemora 20 de Maiu 2025, ne’ebé realiza iha Kampo Ladi Suai.
Autoridade Munisipal ne’e mos orgullu ho povu Covalima, prisipalmente iha Postu Administrative Suai ne’ebé hatudu sira nia entusiazmu no Espiritu nasionalizmu hodi partisipa ativu iha komemorasaun loron independensia Timor Leste ba dala XXIII.
“Hato’o Agradesimentu wa’in ba parte hotu hotu, ba servisu hamotuk, liu liu ba komisaun organizadora, ba pletaun hotu hotu, funsionariu hotu hotu, ita bo’ot sira nia disponibilidade hahu husi dader to’o loraik ida” Alberto Moniz de Araujo, dehan.
Maske nune’e Sekretariu Munisipal ne’e mos espresa ninia triste wainhira hare palaka pletaun barak mamuk no mos funsionariu barak mak auzensia iha serimonia hatun bandeira iha komemorasaun 20 de Maiu 2025.
“Triste uitoan, tan ohin dader plaka sira iha oin ne’e konsege priense hotu, mais iha loraik ne’e, pletaun sira la iha, ne’e hatudu katak ita la tau ita nia interese nasionalizmu no patriotizmu ba rai ida ne’e.” tenik nia.
Tan ne’e maka Autoridade ne’e husu ba Funsionariu hotu hotu atu labele repete tan no tenki partisipa masimu iha serimonia nasional sira seluk hodi hatudu sentidu nasionalizmu no patriotizmu ba nudar timor leste nia emar.
“Ba Diretór sira, ita bo’ot hare kadeira iha kotuk ne’ mamuk. Governu fo fiar ona, ita simu ona k’nar ida hanesan Diretór, Xefe Departamentu, mais nafatin dader mak mai loraik komesa auzensia ona, hahalok ida ne’e labele repete tan, iha 30 de Augusto no 28 de Novembru hotu hotu tenki masimu marka prezensa iha ne’e,” Aberto Dehan.
Sekretariu Munisipal Administrasaun no Finansas, Alberto Moniz de Araujo, enkoraza funsionariu no povu Covalima tomak atu tau importasia no fo kontinensia ba serimonia hasa’e bandeira nasional hodi hatudu sentidu nasionalizamu no patriotizmu nudar Timor Leste nia emar.
Jornalista : Chamot Nahac
Edito : RCCT
