Covalima(RCCT)04-08-25-Autoridade Munisipiu Covalima, kontinua organiza funsionariu sira hodi realiza serimonia isar nasional, Primeiru semana, fulan Augustu tinan 2025.
Sai inspetur serimonia iha isar bandeira ne’e, Sekretariu Munisipal Administrasaun no Finansas, Alberto Moniz de Araujo husu ba funsionariu hotu atu kotinua kuda nasiolizmu no patriotizmu nudar timor leste nia emar.
“Hatudu ita nia sentidu nasionalizmu no patriotizmu ba bandeira ida ne’ebé maka ita nia heroina no heroi sira sosa hodi ruin ho ran, atu uza sapeu hodi nune’e ita hatudu netik ita nia sentidu de homenagem, respeita ba ita nia bandeira nasional ida ne’e, semana, fulan mai tan tenke uza hotu sapeu ne’e” Alberto dehan.
Aproveita iha serimonia isar bandaeira nasional ne’e, Alberto Moniz de Araujo, fo sai konaba Autoridade Munisipiu Covalima ne’ebé envolve entidade hotu hodi forma ekipa task force hodi hala’o intrevensaun ba surtu moras rabies.
“Iha biban ida ne’e mos hakarak atu fo hatene ba ita hotu katak.Ita forma ona ekipa task force konaba moras surtu ka raiva rabies ne’ebé maka involve entidades hotu-hotu, iha ne’eba iha Kabesa ne’e involve Presidente Autoridade rasik ho Komandante polisia tun mai kraik sekretariu sira, diretór sira no mos komandante polisia eskuadra no Administrador Postu Administrativu sira.” Tenik Alberto
Entretantu serimonia hasa’e bandeira nasional, semana dahuluk fulan Augustu 2025 ne’e hala’o iha resintu administrasun munisipiu Covalima ne’ebé partisipa husi funsionariu kargu xefia sira, ajenti Administrasaun, funsionariu Kazuais sira no mos Delegasaun territorial, inklui estudante finalista sira husi Universidade Nasional Timor Lorosa’e (UNTL) sira ne’ebé hala’o estajiu iha Munisipiu Covalima
Jornalista : Gabriel Amaral da silva
Editor : Chamot Nahac
