.png)
Prezidente Autoridade Munisipiu (PAM) Covalima iha Sesta (31-05) tun ba iha terenu hodi halo observasaun iha suku Thasilin, no orienta kedas ba Kompaiña Lifran Unipesoal. Lda. Atu responsabiliza ba ponte kiik ida iha Suku Tashilin ne’ebé oras ne’e ameasa kotu.
“Iha area Suku Tashilin moru eskola nian no ponte liman ida husi Mota Lomea nian mota boot estraga ona estrada liliu ho ponte ida ne’e be labele liu tanba ai hun bo’ot sira ne’ebé mota lori mai taka hotu halo be liu ladi’ak, ho ida ne’e maka PAM tun rasik iha terenu hodi hare direita, no PAM orienta ona iha fatin ida ne’e ba kompañia Lifran halo obra ida ne’e, tanba sei iha orsamentu ba iha manutensaun nian iha pursentu 10 ne’ebé sira ezekuta seidauk hotu, tan ne’e PAM orienta ona kompañia ida ne’e maka tenke ezekuta iha manutensaun ne’e hodi hadi’a di’ak liu tan, iha parte seluk iha rohan ida mos hatudu katak obra ida ne’e husi kompañia ida ne’e la’o liu ona, ida ne’e projetu uluk nian, tan ne’e PAM orienta obras hodi identifika no halo normalizasaun maibe ne’e kategoria emerjensia, akontese mos iha fatin seluk hanesan iha Tashilin maka ida ne’e,” informa PAM Covalima Miguel Armada Cardoso ba RCCT iha Suku Tashilin, Postu Administrativu Zumalai, Sesta (31/05).
Prezidente Autoridade ne’e halo Observasaun iha Suku Lour ba komunidade sira nia hela fatin ne’e afeta ba inundasaun husi akontese udan iha Kinta ne’e, nune’e tula kedas responsavelidade ba Autoridade Protesaun Sivil iha Covalima atu halo identifikasaun ba vitima sira hodi bele fo apoiu emerjensia.
“Akontese mos iha Suku Lour, Aldeia Salasa iha ne’eba inundasaun ne’ebé maka maka’as rezulta tiha komunidade nia sasan dapur nian, animal oan sira, ai han balu iha uma laran inklui estraga mos uma ne’ebé ha’u orienta ona Komandante Autoridade Protesaun Sivil hodi identifika ona iha Salasa, iha Aldeia Galitas be tama komunidade nia uma tanba be sulin tun husi rai lolon tun ba tasi ladi’ak tanba satan husi auto estrada bee ho tahu dodok inklui ai bee lori fila mai tama fali ba komunidade nia let” informa PAM Covalima Miguel Armada Cardoso ba RCCT iha Suku Tashilin, Postu Administrativu Zumalai, Sesta (31/05).
Manajer Projeitu, Kompania Lifran Unipesoal. Lda, Anito Jeronimo hatete kompañia prontu ezekuta ordem husi PAM oinsa atu tesi sai ai ne’ebé be lori lori taka metin ponte halo be intipidu fo amesa ba ponte atu kotu.
“Ami maka ezkuta obra ne’e, ne’ebé oras ne’e ponte refere iha parte kraik maka monu ida ne’e la’os ita la halo, ita nia obra ne’ebé ita foin halo nia metin tan ho razaun katak iha preokupasaun uitoan dehan box ka kluna ne’e ki’ik tanba ponte ki’ik maibe iha kuatru 4 nune’e volume be maka’as lori ai hun boot labele ultrapasa liu husi ponte okos ikus mai satan hotu bee labele liu, sae liu fali husi ponte leten Estraga tiha ponte rohan oras ne’e atu kotu, ita sei esforsu para ko’a sai hotu nune’e komunidade bele asesu liu husi ponte ida ne’e, maibe ba alkatraun ne’ebé iha ponte nia rohan atu kotu ona ne’e iha oras 24 nia laran ami pronto atende nafatin hodi ateru atu nune’e komunidade bele ultrapasa ba mai hanesan baibain, ami pronto atu taka, servisu fiziku maka ami labele halo maibe uza rai maten taka de’it ne’e ami bele halo tanba ida ne’e ami nia faze retensaun ba servisu ida ne’e agora iha alterasaun ba retensaun ninia sei iha pursentu 5 hela ba tinan ida nian, iha period tinan ida ne’e maka akontese hanesan ne’e nafatin ami sei atende karik nia volume bo’ot dala ruma estadu bele hanoin tama fali ba emerjensia, fiziku ami labele implementa maibe buat ki’ik hanesan ne’e ami bele halo oinsa komunidade bele asesu” nia dehan.
Entertantu tuir observasaun jornalista RCCT iha terenu nota katak hafoin akontese udan bo’ot durante iha Kinta loro kraik ho korente be ne’ebé bo’ot hodi Estrada fasilidade publiku sira hanesan Estrada, ponte, moru eskola no tama komunidade nia uma lori hotu sasan dapur no ai han komunidade nian ne’ebé rai iha uma inklui lori komunidade animal.
Jornalista : Julio Salinas
