Ko’alia ba RCCT, Diretor Servisu Munisipal Protesaun Sivil no Jestaun Dezastre Naturais, Quintino da Costa dehan, depois de halo inkontru entreza parseiru save sira kinta ne’e, komisaun jestaun dezastre munisipiu covalima halo kedas distribuisaun be ba komunidade sira iha lookeu foho suku debos no suku matai no sexta ohin kontinua halo distribuisaun iha suku debos aldeia busakukun.
“Relasiona fenomena el ninu ne’ebé mak akontese iha teritoriu Nasional inklui mos Covalima ne’ebe horseik ita halo enkontru hamutuk ho entidade savi sira hotu iha Covalima no horseik kedas ekipa ne’e halo ona distribuisaunbe iha parte Lo’okeu foho, ohin dader iha Matai no agora dadun ita distribui iha area Busa Kukun. Objetivu atu halo kaman netik ita nia famila sira ne’ebé mak menus be, bele ajuda sira hakman todan ne’ebé ita nia komunidade sira infrenta sei kontinua infrenta sei kontinua identifika nesisidade sira ne’ebé mak posivelmente ita nia ekipa peresija duni tulun. Ekipa ne’e kontinua apoiu malu hodi fornese be ba komunidade sira.” Informa Diretor Servisu Munisipal Protesaun Sivil no Jestaun Dezastre Naturais, Quintino da Costa.
Diretor Servisu Munisipal Protesaun Sivil no Jestaun Dezastre Naturais ne’e kontinua dehan distribuisaun be mos ba komunidade ne’e komisaun jestaun dezastre ense ba iha tangki publiku nune’e komunidade sira bele utiliza.
“Fatin tolu mak ita distribui be mos ona, automatikamente komunidde sira ne’ebé mak hela iha ne’eba bele asesu hotu, tanba ita nia objetivu fahe, tau iha tangki publiku sira ne’e, atu komunidade sira bele kuru la’os ba xefi familia ida, rua mak bele asesu, ko’alia konaba dadus iha aldeia lokeu foho ita iha xefe de familia 75 ne’ebé maka kompletu, katak sira sei asesu be mos ne’ebé ita distribui iha sentru sira ne’ebé mak ita iha area Matai” Tenik Quintino.
Nia fundamenta konaba fasilidade apoiu distribuisaun ne’e, Komisaun Jestaun Dejastre Munisipiu Covalima hetan tulun husi Administrasaun Munisipiu, Autoridade Protesaun Sivil, Bombeiru Covalima no Be Timor Leste iha Covalima, no Emprezariu sira mak ajuda be mos.
“Fasilidade sira ne’ebé mak apoiu Serbisu Munisipal Protesaun Sivil Jestaun Dejastre Naturais, Autoridade Protesaun Sivil, BTL.EP ho kompaña fornesedor be sira ne’e mak ita husu liu liu BTL,EP Administrasaun Munisipiu nia kareta ita uja hotu para bele distribui be mos ba ita nia komunidade sira. konaba be ita hetan apoiu husi BTL,EP, iha kompaña internasional ida mak fo hela apoiu be ba ita atu autoridade protesaun Sivil liu husi ekipa Bonberu bele ba foti be iha ne’eba hodi distribui ba fatin ne’ebé mak ita nia komunidade sira presija duni be” Quintino haklean.
Komisaun Jestaun Dezastre Munisipiu Covalima sei kontinua identivida fatin sira ne’ebé mak komunidade infrenta duni menus ba be mos relasiona ho fenomena el nino ne’e, kontinua fo apoiu hodi hamenus problema ba be ne’ebé komunidade sira infrenta dadaun ne’e.
Jornalista : Moichung/Balta Monis
Editor : Chamot Nahac
