Covalima (RCCT) 22-06-2026-Akademista fo apresiasaun ba Prezidente Autoridade Munisipiu Covalima, tanba Prezidente Autoridade Munisipiu kria programa ida naran vizita traballu, hanesan observa no rona direita problema sira ne’ebe mak akontese direita iha ita nia sosiedade sira ne’ebe mak hela iha areas rurais sira.
Akademista Artur Flores fo apresiasaun profunda ba PAM Covalima iha aktividades vizita traballu iha Suku Dato Rua, Postu Administrativu Fohorem no mos halo rekomendasaun ba lider komunitaria sira oinsa atu hakbesik aan liu tan ba ita nia povu no rona sira nia halerik hodi hato’o sira nia lian ba nasional.
Hanesan akademista intelektual sente orgullu no apresia tebes agradese profundu ba Prezidente Autoridade Munisipiu Covalima ho ninia komitiva tanba sorumutu ida ne’e hanesan porta entrada ou odamatan boot oportunidade di’ak ba futuru atu bele hare nia lakunas dezafius hodi halo preparasaun ba Munisipiu Covalima, ne’ebe rekomenda mos ba Administrador kada Postu Administrativu, Xefe Suku propriu iha Fohorem to’o Aldeia bele kria reniaun sira hanesan ne’e para atu bele rekolla opiniaun sira husi komunidade tanba ita htene dezenvolvimentu ne’e tenke to’o iha baze, dadauk situasaun sira hanesan ne’e oinsa para bele rona direita opiniaun hanoin husi ita nia autoridade no liu liu ba komunidade sira iha Postu, Suku no Aldeia no se deit mak atu mai fali husi Governo ne’ebe deit mos Vizita Povu ne’e importante, tanba enkuantu ita la tau prioridade ba vizita traballu sira hanesan ne’e dala barak komunidade sira sente mesak no sira nia preokupasaun sira hanesan ne’e la bele to’o iha nivel Munisipal ne’ebe prezensa ida ne’e ba intelektual no foinsa’e hanesan ami sente orgullu tebes no presija ba futuru tenke bebeik ba bebeik halo vizita hanesan ne’e.” Artur Aguineo Flores, relata.
Iha biban ne’e mos Akademista Artur Flores relata tan katak iha Munisipiu Covalima iha ona fatin atu eleva ita nia kuñesimentu ba Universidade da Paz (UNPAZ) ramu Covalima oinsa prepara rekursu di’ak ba futuru Covalima nian.
Ha’u hanesan mos manorin na’in iha kampus UNPAZ klasse normal Covalima au mesmu tempu hakarak rekomenda hela ba komunidade sira hotu espesialmente iha Postu Fohorem Suku haat ne’ebe ezisti iha ne’e husu ba joven sira atu difikuldade sira ne’e ita bele rejolve iha futuru rekursu umanu mais importante aproveta okaziaun hakarak atu halore hela informasaun sira ne’e ezistensia kampus UNPAZ ramu Covalima dadauk iha ita nia Munisipiu karik ita boot sira iha disponibilidade bele ba kontinua ita boot sira nia estudu iha nivel Ensinu Superior espesial iha Munisipiu Covalima tanba UNPAZ nia ezistensia iha Munisipiu Covalima mos iha ona.” Artur Aguineo Flores, haktuir.
Lia hirak ne’e Akademista Artur Flores hato’o iha entrevista bainhira iha aktividades Vizita Traballu husi Prezidente Autoridade Munisipiu Covalima Miguel Armada Cardoso iha Postu Administrativu Fohorem, Suku Dato Rua iha loron Sexta Semana kotuk ne’e.
Jornalista Paul Mandeu
