Covalima ( RCCT ) 10-02–21 Tinan ne’e Governu Timor Leste koloka orsamentu rihun atus haat, resin ba Municipio Covalima, tuir diretor Agensia  Planeamentu servisu Adminitrasaun iha Municipio Covalima Agustino Gusmão hateten orsamentu ne’e sei utilize bodi halo rekonstrusaun rezidensia Administrador Municipio nian ho konstrusaun Edifisio Posto Administrativo Maukatar.

“Ba tinan Ida ne’e Municipio Covalima hetan deit projetu rua hanesan re-konstrusaun Rezidensia Administrador Municipio Nian ho konstrusaun Edifisio Posto Administrativo Maucatar, projeto rua ne’e ho montante Osan hamutuk rihun atus haat, haat nuluh resin rua dolares amerikanu” dehan diretur Agustinu.

Diretor Agensia Planeamentu Hatutan tuir orientasaun husi Ministerio relevante projetu rua ne’e sei implemta iha Fulan Maio tinan ne’e Maibe sei loke uluk konkusu publiku ba kompanha Sira atu kaer projetu ne’e.

“Tuir orientasaun, implementasaun ba projeitu ne’e sei hahu iha fulan Maio Tinan ne’e, no sei ho halo konkursu publiku ba kompanya sira hodi kaer obra ne’e” katak Diretur Agustino Gusmão.

Diretur Agensia Planeamentu Municipio Covaliam Agustino Gusmão sunlinha ba tinan 2021, Covalima iha deit Projeitu husi PDIM Rua ba Konstruksaun Edifisiu administrasaun postu Administrativu Maukatar no Rekonstruksaun ba Edifisiu Administrador Covalima.

Jornalista : Saturnino Soares & Frenki Amaral.

Editor : Chamot Nahac