Covalima (RCCT) 28-05-25-Durante ne’e uniku Emprezariu Madarlin deit maka hala’o atividade Exportasaun produtu lokal hanesan kamii liu husi fronteira postu integradu Salele ba Malaka no Atambua, Indonezia.

Prezidente Asembleia Kamra Komersiu Industria (CCI-Sigla Portugues) Munisipiu Covalima, Agosto Hendrique, hatete, Governu liu husi Ministeriu Komersiu Industria (MCI) ho ninia programa Loja do Povu, fo oportunidade ba empreariu lokal kompañia Madarlin, Unipesola LDA hodi halo atividade exportasaun produtu rai laran ba Indoneslia liu huis Fronteira salele Covalima.

“Ida ne’e Programa Loja do Povu,  programa ne’e la’os CCI maka organiza maibe governu liu husi MCI nia programa hodi entrega ba iha emprezariu Madarlin ne’e, maibe Nia benefisariu ba Covalima, ita la involve direita iha prosesu ne’e maka Ita labele fo komentariu ba buat ne’e, maibe foin lalais fo ita nia proposta ida konaba  programa ida naran, programa demoplot, no iha tinan 2024 projetu demoplot ne’e konsege hala’o iha Oebaba, Zumalai, maibe rezultadu ladun di’ak” Prezidente Asembleia Kamra Komersiu Industria (CCI-Sigla Portugues) Munisipiu Covalima, Agosto Hendrique, Informa.

Agosto Hendrique, rekomenda ba Governu liu husi MCI atu involve no apoiu CCI iha area investimentu nune’e bele kontribui dia’k liu tan ba independensia soberania timor leste nian

““Se wainhira papel CCI hakarak ejistensia ne’e maka’as tenke halo investimentu, Agora ita hakarak Independensia iha soberania tenke halo investimentu hanesan dadauk empreza ida kaer Loja do Povu, Ida ne’e spesial ba produtu lokal, mas Ita CCI nunka hatene prosesu Ida ne’e, ne’ebé ninia durasaun tempu ba organiza implementasaun Loja do Povu ne’e produtu ida ne’ebé nia hola to’o ona iha ne’ebé ita nunka hatenen. Ita rekomenda ba oin ne’e wainhira MCI hakarak fo buat ruma ba iha munisipiu minimal tenke involve mos CCI atu bele observa mos perkembangan projetu ida ne’e” nia relata.

Enkuantu tuir Prezidente Asembleia Kamra Komersiu Industria (CCI-sigla Portugues) Munisipiu Covalima, Agosto Hendrique esplika durante ne’e CCI Covalima la iha komunikasaun no labele halo observasaun ba programa Loja do Povu liu husi atividade exportasaun ne’ebé Kompañia hala’o hodi exporta produtu lokal ba Nasaun Indonesia, tanba laiha orientasaun husi CCI nasional.

Jornalista : Julio Salinas

Editor        :  Chamot Nahac