Covalima (RCCT) 25-08-2026-Marie Stopes Internasional Timor-Leste (MSI TL) kontinua nia kompromisu atu reduz taxa mortalidade materna iha Timor-Leste liu husi habelar asesu ba servisu Saúde Seksual Reprodutiva (SSR) no Planeamentu Família (PF).
Iha Tersa-Feira ne’e, MSI TL fasilita Formasaun ba Voluntariu Saúde Komunitariu (VSK) hamutuk nain 30. Partisipante sira ne’e mai husi Suku 14 iha Munisípiu Covalima.
Diretora MSI TL Maria Amelia Barreto hatete katak formasaun ne’e, tama ona ba faze datoluk no nia partisipante aumenta tanba hare impaktu pozitivu iha komunidade.
Atividade treinamentu ba datolu ida ne’e, iha nia partisipante 30 husi Sucu 14. Hare ba implementasaun husi primeira faze, segundu fase ita hare nia benefisiu kona ba Saúde reprodutiva to’o ba komunidade ne’e barak liu no haluhan liu. Entaun, ita hare ninia benefisiu diak sira hanesan ne’e MSI TL aproxima tan ho Servisu Saúde Munisipiu Covalima nian atu ita kontinua treinamentu hanesan ne’e. Maria Amelia Barreto, informa.
Nia esplika, iha faze primeiru no segundu, MSI TL foti de’it VSK nain 25, Maibé ba faze terseiru ne’e aumenta ba nain 30. Nia hatutan, Iha formasaun faze 3 ne’e, MSI TL mós konvida VSK nain 5 ne’ebé partisipa ona iha faze anterior hodi fahe sira nia esperiensia. Nune’e iha futuru sira bele sai fasilitadór ba treinamentu sira seluk.
Husi faze primeiru no segundu nian ita foti ema nain 25 deit maibe faze terseiru ne’e komu ita hare ninia benefisiu diak los entaun ita aumenta ba ema nain 30. Iha implementasaun ba treinamentu ida agora mak ita bolu mos sira ne’ebé mak ita trenu ona iha faze primeiru no segundu nain 5 mai para atu fahe sira nia esperensia. Bazeia ba sira nia esperensia ne’e sei sai pasu importante ida ba fasilitador sira ba organizasaun no mos ba servisu saúde Munisipiu rasik atu planu ba oin hodi realiza sira atu sai fasilitador iha sesaun balu iha futuru. Maria Amelia Barreto, hatete.
Diretora MSI TL Maria Amelia afirma Sucu 14 ne’ebé agora dadaun tama iha programa ne’e komplementa Sucu sira ne’ebé selesionadi ona iha fase primeiru no segundu.
Ita hakarak atu kobre Sucu hotu entermus de niania fasilitasaun. Entaun sucu 14 ida agora ne’e komplementa hirak ne’ebé ita selesionado iha faze primeiru no segundu. Iha Covalima iha VSK 3 ne’e signifika ita hakarak kada aldea se posivel hotu hotu maibe lae, sempre ida mak sei hetan sensibilizasaun konaba servisu saude sexual no reprodutiva espesialmentu iha area planeamentu familia nian. Maria Amelia Barreto, hatete.
Atividade formasaun ba Voluntariu Saúde Komunitariu (VSK) hamutuk nain 30 ne’e sei hala’o durante loron 5 iha Munisipiu Covalima.
Jornalista Julião Correia
Editor Paul Mandeu.
