Covalima (RCCT) 29-06-2026-Comisaun Nasionál Eleisaun (CNE) hala’o edukasaun sívika ho modelu talk show ba partidu polítiku lima ne’ebe hetan asentu parlamentar hanesan Partidu CNRT, PD, FRETILIN, PLP no KHUNTO iha Munisipiu Covalima.
Prezidenti CNE José Belo esplika partidu mak hanesan instrumentu polítiku ba dezenvolvimentu ba nasaun, tanba ne’e CNE hala,o atividade talk show hodi halo diskusaun konaba papel partidu polítiku nian iha dezenvolvimentu no konstrusaun estadu.
Nasaun ne’ebe mak demokratiku ne’e partidu mak sai hanesan instrumentu no papel ne’ebe importante sira mak iha papel ida para atu luta ba poder, maibe la’os poder de’it maibe iha ona poder saida mak ita servi oinsa atu kria politika ida di’ak ba ita nia sidadaun ba ita nia povu para garantia objetivu importante instituisaun buat hirak ne’e mak sai ema hotu-hotu iha espetativa, tanba ne’e mak eleisaun iha konteudu ida ne’e katak, fo oportunidade ba ita nia eleitor sira tinan lima para nia bele iha espetativa no esperansa atu hanoin katak moris di’ak ne’e sei mai iha mudansa tinan lima nia laran.” José Belo, esplika.
Prezidenti Autoridade munisípiu Covalima Miguel Armada Cardoso relata mos ba líder partidu polítiku hotu asuntu mantein unidade iha nível munisipal tantu nasionál hodi dezenvolve timor leste iha futuru tanba partidu polítiku sira sei halo mudansa ba nasaun liu husi konfiansa ne’ebe povu depózita iha eleisaun.
Talk Show ida ne ha’u hameno de’it ba preparasaun atu ukun na’in sira ba agrikultor ne’e preparasaun hodi ukun hodi bele troka ha’u, di’ak liu tan atu furak liu tan ba imi atu hameno de’it ba ita boot sira, bainhira atu halo kampaña karik mai ho fuan, tenke iha unidade, tenke iha dame no tenke iha paz, hanoin ba Covalima la bele hanoin ba aan no hanoin ba Partidu ne’e hanesan jornada ida ba aban bainrua.” Miguel Armada Cardoso, relata.
Atividade eduksaun sívika ho modelu talk show ho tema “Estratéjia Partidu Polítiku ba Poder Lokal no Desentralizasaun Administrativa” ne’e CNE hala’o iha salaun administrasaun munisípiu covalima no atividade ne’e patisipa husi partidu polítiku lima ne’ebe hetan asentu iha parlamentu nasionál hanesan partidu CNRT, FRETILIN, PD, KHUNTO no PLP inklui observador sira husi intelektual no akademista Covalima oan.
Jornalista Paul Mandeu
