Covalima (RCCT) 14-10-25-Ministru Administrasaun Estatal (MAE) Tomás do Rosário Cabral, Partilla informasaun no apela ba Autoridade no Covalima oan sira atu partisipa iha eventu ofisial Timor-Leste nia adezaun ba ASEAN ne’ebé sei akontese iha loron 26 fulan Outubru 2025.
RCCT sira husi publikasaun iha pazina ofisial sosial media (facebook) Ministério Administração Estatal nia iha loron 14 fulan outubru, Ministru Administrasaun Estatal (MAE) Tomás do Rosário Cabral husu ba Autoridade Covalima atu konvida bainaka sira husi NTT Indonesia hodi bele mai partisipa iha festa popular adezaun Timor Leste ba ASEAN.
“Ami sei suku badeira ASEAN fo ba suku sira, atu hari bandeira RDTL iha sorin no ASEAN iha sorin. Ne’ebé ita bo’ot sira iha Suai. Imi nia festa ne’e, konvida mos sira iha fronteira, bele mai partisipa” Ministru Administrasaun Estatal (MAE) Tomás do Rosário Cabral, dehan.
Ministru Administrasaun Estatal (MAE) dehan lia ne’e wainhira hala’o reuniaun ho Autoridade Munisipiu Covalima hodi ko’alia konaba preparasaun haka’at ba desentralizasaun poder lokal, ne’ebé hala’o iha salaun Autoridade Covalima, loron 9 fulan outubur foin lalais ne’e.
Reportazen RCCT
