Covalima (RCCT) 31-07-25-FONGTIL no GASC hala’o sosializasaun mata dalan subvensaun publiku Gabinete Apoiu Sosiedade Sivil (GASC-Sigla portugues)) ba membru FONGTIL rejiaun rai klaran; (Aileu, Ainaro, Manufahi no Covalima)
Valentino da Costa Pinto, Diretór Exekutivu FONGTIL, hatete, iha enkontru atu update situasaun atual relsiona ho servisu publiku ne’ebé governu hala’o inklui sosializa ba membru sira konaba mata dalan subvensaun publiku Gabinete Apoiu Sosiedade Sivil.
“Enkontru regular ida ne’ebé ami halo ho ami nia membru sira iha rejiaun hotu hotu liliu ba raik laran nian ne’ebé ami nia membru sira mai husi Aileu, Ainaro Manufahi no Covalima, ami hakarak ko’alia ba malu, update mos ita nia situasaun atual sira relasaun ho servisu publiku ne’ebé ita nia governu halo iha terenu no mos konvida Gabinete Apoiu Sosiedade Sivil mai esplika mata dalan subvensaun publiku” Diretór Exekutivu FONGTIL, Valentino da Costa Pinto, esplika.
Iha Fatin hanesan, Kordenadora Gabinete Apoiu Sosiedade Sivil, Joaquim da Costa Freitas, husu ba parseiru hotu hotu atu dezenvolve programa no aktividade bazeia ba kriteria ne’ebé mak Gabinete Apoiu Sosidade Sivil iha ona.
“Kriteria ba jestaun fundus sosidade sivil ne’e sai baze ba parseiru hotu hotu atu dezenvolve nia programa. Iha Timor Leste ne’e organizasaun ativu ne’ebé mak rejistgu kontinua update ninia estatutu iha FONGTIL ne’e porvolta 280 ital, organisaun ne’ebé mak ejiste iha timor leste no husi 280 ne’e hotu hotu tinan tinan hatama proposta ba Gabinete Apoiu Sosiedade Sivil ne’ebé totela iha Vice Primeiru Ministru Asuntus Sosial. ami iha autonomia administrativu ho autonomia finaseiru ne’ebé maka liu husi Orsamentu Jeral Estadu,” Kordenadora Gabinete Apoiu Sosiedade Sivil Joaquim da Costa Freitas, dehan.
Atividade ne’e FONTIL no GASC hala’o iha salaun Centro Comunidade Covalima, ne’ebé partisipa husi membru FONGTIL sira husi rejiaun rai-klaran hanesan Aileu, Ainaro, Manufahi no Covalima.
Jornalista : Alfredo barreto
Editor : Chamot Nahac
