Covalima 26-07-25- 𝐌𝐢𝐧𝐢𝐬𝐭e𝐫𝐢𝐨 𝐝𝐚 𝐀𝐠𝐫𝐢k𝐮𝐥𝐭𝐮𝐫𝐚, 𝐏𝐞k𝐮a𝐫𝐢𝐚, 𝐏𝐞𝐬k𝐚 no 𝐅𝐥𝐨𝐫𝐞𝐬𝐭𝐚 (𝐌𝐀𝐏𝐏𝐅), liu husi 𝐒𝐞k𝐫𝐞𝐭𝐚𝐫𝐢𝐨 𝐄𝐬𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 (𝐒𝐄𝐅), Kuda Ai-parapa ho tipu rhizophora hun rihun lima (5.000 pes) iha tasi ibun Suai Loro, Munisipiu Covalima hodi komemera loron mundial Ai-Parapa ho tema” Kuda no Proteje Ai-parapa sei redus mudansa klimatika no hasa’e ekonomia azul ba futuru ne’ebé rezilente iha Timor-Leste”

Partisipa iha Eventu ne’e Sekretariu Estadu Floresta, Fernandinho Vieira, hatete iha ninia deskursu dehan governu deside selebra loron mundial Ai-Parapa iha Suku  Suai-Loro tanba hakarak hasa’e konsiensia komunidade sira nian, liliu ba sira ne’ebé moris iha area kosteira no hodi bele hatene konaba importansia husi dezenvolvimentu ai-parapa iha area kosteira.

“Komunidade sira moris iha area kosteira no kosta sul, liliu ita nia komunidade sira ne’ebé moris iha tasi ninin sira hodi hasa’e sira nia konsiensia nune’e sira bele tau importansia ba dezenvolvimentu ai-parapa iha area kosteira, tanba ne’e maka liu husi Sekretariu Estadu Floresta deside tinan ida ne’e selebra loron mundial ai-parapa iha Munisipiu Covalima, no hili Suai-Loro sai hanesan uma na’in ba komemora loron mundial ai-parapa iha TL, tanba sa ida maka hili Suai-Loro sai uma na’in ba selebrasaun loron mundial ai-parapa.? Iha Munisipiu seluk mos iha Lautem, Dili, Bobonaro, Likisa iha maibe hili Suai-Loro, tanba ita haree katak Suai-Loro iha feketasaun ai-parapa ida ne’ebé iha potensia tebes hodi promove sai hanesan fatin eko turismu ba aban bainrua nian, sai mos hanesan fatin ba balada ba ita nia avo Lafaek sira ne’ebé iha tasi laran, ne’ebé sai objetu importante potensial para ita bele promove, ho ninia kultura ninia komunidade ne’ebe maka hanesan sei abitua ho kultura ne’ebé forte tebes, tanba ne’e maka potensia ida ne’e governu haree oinsa atu bele promove ida ne’e sai hanesan fatin turistiku ba aban bainrua” dehan Sekretariu Estadu Floresta Fernandinho Vieira.

Fatin hanesan Sekretariu Munisipal Asuntu Sosiais no Organizasaun Komunitaria, Filomeno Cardoso, Liu husi kunda Ai-parapa iha tasi ninin bele kontribui hodi redus risku dezastre naturais no hasa’e ekonomia azul iha Covalima.

“Komemora loron mundial ai-parapa iha ita nia Munisipiu Covalima. Aproveita oportunidade ida ne’e hakarak hato’o ba Vise Primeiru ministru ho membru governu sira hotu katak tinan ida ne’e sorte tebes tanba fatin ida ne’ebé ohin ita tuur hela ba, fatin ida ne’ebé sempre hetan ameasa husi dezastre hanesan akontese kada tinan inundasaun, maibe tinan ida ne’e agradese tanba la iha inundasaun , alendeida ne’e ami hanesan Autoridade iha Munisipiu Covalima hakarak hato’o agradesimentu wa’in ba iha nonu governu. Liu husi lansamentu kuda ai-parapa ida ne’e bele minimiza risku dezastre hodi bele hasa’e area matak no azul iha ita nia tasi ninin nian” informa PAM Covalima atua Sekretariu Munisipal Asuntu Sosiais no Organizasaun, Filomeno Cardoso.

Entretantu remata kuda ai-parapa, iha tasi ibun suai loron Sekretario Estado Florestas, hamutuk ho Vice Primeiru Ministru, Mariano Assanami Sabino, Ministru Agrikultura Pekuaria,Peska no Floresta, Vice Ministru Infraestrutura, Vice Ministra Solidaridade Sosial, Diretór Nasional no Xefe Departamentu sira, husi Ministeriu Dezenvolvimentu Rural no Habitasaun Komunitaria hamotuk ho Parseiru Dezenvolvimentu sira no Autoridade Munisipal sira, kontinua distribui ró fiber hamutuk 15 ba Grupu Peskado sira ne’ebé durante hala’o atividade peska iha tasi Suai Loro.

Jornalista : Julio Salinas

Editor      : Chamot Nahac