Covalima (RCCT) 25-07-25-Autoridade Munisipiu hala’o dialogu ho komunidade sira iha Aldeia Haemanu, Suku Beko, Postu Administrativu Suai, hodi desimina ba komunidade sira konaba planu desentralizasaun munisipal.
Prezidente Autoridade Munisipiu (PAM) Covalima Miguel Armada Cardoso “Razão” iha dialogu ne’e atu rona mos hanoin husi komunidade sira nune’e bele aponta ba planu dezenvolvimentu simu desentralizasaun.
“Rona parte hotu nia ideias hodi tau hamutuk no tau ba iha planu dezenvolvimentu munisipal nian, hakarak iha lasu amizade ida entre Autoridade Munisipal hodi hakbesik an ho komunidade hodi sosializa programa prioridade prepara kondisaun hodi simu dezentralizaun, se ita la prepara kondisaun ne’ebé di’ak ba iha ita nia rai ida ne’e signifika ita labele simu desentrealizasaun, atu simu desentralizasaun presija rekursu, rai Covalima mos bokur, rekursu naturais mos naton oinsa atu halo jestaun, ita sira ne’ebé iha sai autor ba pensamentu no mos sai autor ba desizaun” Armada dehan.
Fatin hanesan Administrador Postu Administrativu Suai, Ildefonso Maria Amaral, relata katak liu husi dialogu ida ne’e. Autoridade Covalima hakarak atu rona husi entidades hotu nia hanoin ka ideias hodi tau ba iha planu dezenvolvimentu munisipal.
“Ohin ita hala’o atividade ida ne’e ho hanoin foun, planu foun mai husi ita nia Prezidente Autoridade Munisipiu Covalima hakarak hamutuk ho ita, hakarak rona entidade hotu-hotu hodi nune’e bele hanoin bva dezenvolvimentu iha rai Covalima” APA Suai dehan.
Atividade dialogu ne’e partisipa masimu husi komunidade sira iha suku beko aldeia, haemanu, no mos lideransa suku sira, ho rona no fo hanoin no konaba planu dezenvolvimentu munisipal hodi simu desentralizasaun.
Jornalista : Julio Salinas
Editor : Chamot Nahac
