Covalima (RCCT) 24-07-25-Ministeriu Saude (MS) seidauk halo pagamentu konaba direitu turnu durante tinan ida hahu husi fulan jullu 2025 to’o fulan jullu 2025 ba Pesoal Saude hamotuk ema na’in 149 iha Ospital Referal Suai.
Ho nune’e Pesoal Saude sira ejiji ba governu liu husi Ministeriu Saude (MS) halo pagamentu ba sira nia direitu nudar funsionariu publiku bazeia ba lei ne’ebé vigora. Maske nune’e professional saude sira ne’e la abandona sira nia k’nar iha ospital referral suai.
“Ministeriu seidauk selu husi fulan julu 2024 to’o agora fulan julu 2025, konaba direitu ho dever funsionariu publiku nian, segundu baseia mos ba enkontru ami profisionais sira inkontru jeral iha Ospital Rreferral Suai ne’e ho diresaun sira dala rua ne’ebé maka primeiru sira promete mai ami katak atu halo pagamentu iha fulan 31 Dezembru 2024 depois la realiza depois ami halo Enkontru tan atu halo pagamentu iha fulam Marsu 2025 ne’e mos la realiza, entaun iha dia 2 Maiu 2025 iha diretór nasional na’in hat ne’ebé mai husi Ministeriu Saude Primeiru diretór juridiku, segundu diretór nasional rekursu umanu nasional, tersiru diretór jeral Korporativu ou nia saseluk no diretóra jeral garante kualidade ne’ebé hala’o enkontru jeral iha salaun Ospital Referral Suai dehan atu selu ami nia turnu iha fulan jullu agora maibe na realidade ami hotu iha Ospital Referral Suai seidauk simu to’o agora no iha seluk ida sira Promete katak iha fulan jullu ne’e iha enkuantramentu no ba ema ne’ebé mak ba eskola hetan ona ijasa sarjana ka diploma ruma atu enkuadra depois iha antiguidade ami sira ne’ebé mak tinan sanulu ba leten atu hetan direitu ida antigiudade ne’e mais ida ne’e mos la realiza hotu tanba ne’e mak ami ami ohin halo konferensia ne’e hodi ejiji ba Ministeriu Saude atu bele responde lalais, selu ami nia direitu turnu ne’ebé mak seidauk selu” Liu husi konfrensia imprensa, portavoz, Alberto Moniz Coli, reprezenta pesoal saude sira ejiji.
Alberto Moniz Coli fundamenta maske ministerium seiudak selu sira nia direitu ba turnu maibe pesoal saude sira la abandu k’nar hodi atende pasiente sira iha ospital suai.
“Kuitadu ami servisu ami nia kolega sira kalan bo’ot ema atu Opera, bolu kalan bo’ot sira tenki mai bee maran ami nia kolega sira tenki mai, ahi mate sira ami nia kolega sira tenki mai, material ruma at ami nia kolega sira mai atende, oksigeniu no buat hotu hotu tanba ne’e ami naftin ejiji deit ami nia direitu atu selu lalais ona” Alberto Moniz Coli, haktenik.
Total Pesoal Saude sira ne’ebé mak Governu Liu husi Ministeriu Saude seidauk selu direitu turnu durante tinan ida, hamutuk nain 149, kompostu husi tekniku aliadu, Doutor, Infermeiru Nogitik no seluk tan. Egnkuantu ba Okaziaun ne’e jornalista sira koko atu konfirma ho Diretór Ospital Referal Suai maibé nia la iha fatin tanba atende hela servisu balun iha Nasional.
Jornalista : Alfredo Barreto
Editor : Chamot Nahac
