Covalima (RCCT) 18-07-25-Administrador Postu Tilomar Venancio Sarmento husu ba grupu agrikultura ne’ebé sai benfisiaria ba apoiu husi ONG Hametin Lia Tatoli (HLT) atu utiliza didi’ak ekipamentu hodi hala’o atividade agrikultura iha TIlomar nune’e bele kontribui ba hasa’e rodusaun rai laran.
Venancio Sarmento dehan lia ne’e hafoin partisipa iha serimonia atibuisaun fasilidade hanesan Tanki Be mos, material ba kanalizasaun irigasaun turuk, fasilidade eletrifikasaun no mos fini pateka no seluk tan ba grupu agrikultura 2 iha Suku Maudemo Tilomar sexta foin lalais.
“Nafatin husu ba komunidade no ba grupu sira utiliza ba sasan hirak ne’e lao’s nia prazu ne’e ba ohin deit ne’ebé ba oin ne’e ita bo’ot sira bali no daka ba hodi nune’e bele aproveita tempu ida ne’e ho di’ak hodi nune’e utiliza sasan sira ne’e ba emi nia nesesidade liu husi halo buat ruma iha imi nia grupu ne’e. Husu ba parseiru karik ba oin sei iha tan bele tau mos iha suku seluk tanba ha’u hare iha Mademo hela deit, se bele karik iha planu ba futuru iha tan orsamentu bele ba iha suku Kasabauk no Suku Lalawa, tanba iha ne’eba mos grupu hortikultura barak ne’ebé mak agora dadaun eziste hela” Administrador Postu Tilomar Venancio Sarmento, dehan.
Angela Soares Barros, Reprejenta Diretór Servisu Munisipal Agrikultura Munisipiu Covalima, rekomenda ba grupu benefisiariu atu fo oportudade servisu joven sira hodi bele inklina an iha atividade agrikultura ne’ebé dadaun ne’e la’o iha Tilomar hodi hasa’e produsaun.
“Oportunidade di’ak ba agora se iha biban karik ita nia joven balu sira ne’ebé mak la iha servisu halo favor ita bo’ot sira dada sira mai tok ita lalika hanoin mak hakarak sai ba rai liur, maibe oinsa mak ita halo ita nia rai ne’e fungsi ho di’ak, tanba ne’e sujere ba inan aman sira ne’e fabor loke netik imi nia liman ba joven sira dada sira mai ita hamutuk hodi hasa’e ita nia produtu sira ne’e” Angela Soares Barros, dehan.
Iha atividade atribui fasilidade agrikultura ne’e, ONG HLT no Autoriade sira halo mos inaugurasaun ba posu rua hafoin kontinua treinamentu ba memgru grupu sira konaba hakbit agrikultura familiar liu husi atividade oltikultura hodi garante ekonomia uma laran.
Jornalista : Alfredo Barreto
Editor : Chamot Nahac
