Covalima (RCCT) 04-04-23—Hahu Fulan Janeiru to’o marsu tinan ne’e servisu alfandega iha fronteira postu integradu salele Covalima, hatama reseita ba kofre estadu hamotuk dolar amerikanu $ 134. 579.38.
Lia hato’o husi diretor servisu alfandega munisipiu covalima, Nuno Nuguera ba jornalosta sira iha nia knar fatin, fronteira postu integradu salele, tilomar Covalima, tersa (04/04).
“ita iha mudansa ba lei tributaria konaba presentajen tasa, iha mudansa ba tasa importir iha pursentu 5, sales tax pursentu 2,5 hamutuk pursentu 7,5 signifika bo’ot, ita kompara ho tinan liu ba tasa ba tinan ida ne’e ita rekolla dentru iha fulan 3 nia laran hetan tasa ne’ebé bo’ot ho montante $ 134. 579.38 ida ne’e maka ita rekolla iha fulan Janeiru to’o Marsu 2023” informa Diretór Servisu Alfandega Munisípiu Covalima, Nunu Nogueira, ba jornalista sira iha nia kna’ar fatin Fronteira Mota Masin Salele, Tersa (04/04).
Nia afirma tasa ne’ebé rekolla ho montante $ 134. 579.38 mai husi Aeroportu Suai, Postu integradu Salele no rekolla ki’ik liu maka iha portu Suai-Loro tanba laiha atividade durante ne’e.
Taxa ne’ebé rekolla husi Aeroportu nian ne’e mai husi sasan exclusivu Timor Resources nia hodi hala’o serbisu ba perfurasaun mina iha Suai, ba iha fronteira postu integradu Mota Masin Salele nian mak liu husi sasan merkadoria sira mak ema konsumu, materiál konstrusaun no sasan mobiliariu hanesan meja, armariu no sasan sira seluk ne’ebé tama liu dalan legal.
Orsamentu ne’ebé rekolla husi postu integradu Mota Masin Salele rasik iha fulan Janeiru rekolla ho montante $ 32,801.85, fulan Fevereiru rekolla ho montante $ 48, 047.33 no iha Marsu nia laran rekolla ho montante $ 49, 241.54, total iha fulan 3 nia laran konsege rekolla reseitas ho montante hamutuk $ 130, 090.72, no iha Aero portu durante fulan 3 nia nia laran konsege rekolla reseitas ho montante $ 4, 488. 66.
“Tuir fali mai sei rekolla reseitas maka’as liu ida ne’e, maske ho atividade Munisipiu Covalima nian la hanesan fatin sira seluk, kareta sira ne’ebe tama ita haree sura deit ho liman fuan nune’e ita bele hasae tasa” nia informa.
Nia subliña importador sempre hatama sasan hahu husi loron segunda to’o Sabadu maibe barak liu iha loron Kinta no Sesta bele tama husi Indonezia mai iha Covalima ho kareta bele to’o 10, minimum liu maka kareta ida ou rua.
Nia dehan iha fulan 3 nia laran rekolla tasa bo’ot tanba sistema regula rasik uza asekuda world no ba daudaun ne’e aumenta tan kustu ne’ebé foin lalais ne’e implementa sistema ida naran Yard Entry, yard entry ne’e katak kareta sira ne’ebé tama mai tula sasan maka kobra ne’e hetan iha loron baibain kona $ 25 ne’e sistema maka kobra rasik tanba sira halo instalasaun tiha ona husi sistema asekuda world maibe konaba loron bo’ot nian kona $ 50 ne’e sistema maka kobra rasik.
Nia dehan sistema ne’e automatik, ne’ebé iha loron bo’ot sabadu ho domingu sira tama mai sei selu kustu ho montante $ 50 sistema maka kobra rasik.
Jornalista : JS
Editor : CN
