Covalima (RCCT) 10-10-25-Novidade di’ak tan ba Timor Leste, iha ne’ebé, tempu badak sei iha serimonia mundial ida hodi aprova simbolu Timor Leste tama ona membru organizaun mundial, Asosiasaun Nasoins Sudeste Aziátiku (ASEAN).
Nune’e, Ministru Administrasaun Estatal (MAE) Tomás do Rosário Cabral hatete iha loron 26 fulan outubru ne’e, munisipiu hotu sei realiza serimonia iha iha kapital munisipiu hotu hotu hodi fo hatene ba povu katak timor leste sai ona membru ba organizasaun mundial ASEAN.
“26 de outubru timor tama ona ASEAN, Komemorasaun iha timor laran tomak. Ita atu tama ASEAN populasaun sira tenki hatene, ne’ebé 26 de outubru, iha munisipiu sira hotu hotu. Festa iha kapital munisipiu, Xefe Suku no Xefe Aldeia sira tenki Partisipa.” Ministru Administrasaun Estatal (MAE) Tomás do Rosário Cabral, dehan lia ne’e iha Munisipiu Covalima (09/10) iha ambitu abertura ba Interkambiu Kultural ba Hametin Rekonsiliasaun.
Governante ne’e relata katak dadaun Timor Leste iha ninia populasaun Miliaun ida resin,tuir dadus sistema signa husi Suku sira iha teritoria tomak iha timor leste. Nia mos dehan numeru populasaun ho idade produtivus sai hanesan rekijitu ida nune’e bele dada investor sira mai timor leste.
Maibe tuir dadus estatistika 2022, Timor Leste iha total populasaun hamotuk (Miliaun ida, rihun atus tolu hat nulu resin ida,atus hitu tolu nulu resin hitu (1,341,737).
Reportazen RCCT
