Covalimma (RCCT) 12-10-25-Festival Fronteira 2025 ho tema “Interkambiu Kultural ba Hametin Rekonsiliasaun” ne’ebé organiza husi Centro Nacional Chega!I.P, Sekretariu Estadu Arte no Kultura (SEAK), Ministeriu Juventude, Desportu, Arte no Kultura (MJDAK), Ministeriu Administrasaun Estatal (MAE) no Autoridade Munisipiu Covalima, durante loron 3 hahu (09-11), iha Munisipiu Covalima la’o ho susesu. Festival ne’e kompleta ho atividade sira mak hanesan feira produtu lokal, atividade desportivu, performansia artistiku, dialogu no seminariu ne’ebé ko’alia kona-ba kultura no rekonsiliasaun.

Diretór Ezekutivu Centro Nacional Chega!I.P, Hugo Maria Fernandes iha diskursu enseramentu hateten katak, Festival Fronteira hala’o ona ba dala-3. Dahuluk hala’o Maliana (2023), daruak iha RAEOA (2024), no datoluk hala’o iha Munisipiu Covalima (2025) iha nebeé la’o ho susesu.

“Ne’e hatudu katak vontade no solidariedade komunidade Covalima nian halo atividade loron tolu ne’e la’o ho susesu parabens ba komunidade Covalima”, Diretór dehan iha enseramentu Festival iha Kampu Ladi, Suai. (11/10)

Prezidente Autoridade Munisipiu Covalima, Miguel Armada Cardoso “Razão” rekoñese eventu Festival Fronteira fo benefisiu ba komunidade sira tanba durante festival komunidade sira iha liña fronteira komesa kria ona amizade. Liu hosi amizade ne’e bele haburas rekonsiliasaun hodi hamosu dame.

“Pasu Impartantante balu Autoridade Covalima Observa katak, kria amizade entre timor oan sira liu husi Festival Fronteira ne’e, Segundu Haburas rekonsiliasaun hodi hamosu dame iha area fronteira, tuir mai fo valor no porteze eransa kultura” Prezidente Autoridade Munisipiu Covalima, Miguel Armada Cardoso “Razão” rekuñese.

Reprezentante IX governu konstitusional atúal Sekretariu Estadu Arte no Kultura (SEAK), Jorge Soares Cristovão hateten, dehan IX governu sei kontinua Festival Fronteira iha tinan oin.

“Ita nia atividade ida ne’e iha komponente 3, mak hanesan,Aprezentasaun kultura, seminariu no dialogo ne’ebé halibur joven sira hodi koalia ba malu hodi halo aprosimasaun ba malu hodi hametin relasaun kultura, iha mos atividade desportu. Tinan Oin ita sei ita tan Festival Fronteira, Ita sei realiza Festival Fronteira to’o IX governu konstitusional nia mandate termina” Reprezentante IX governu konstitusional atúal Sekretariu Estadu Arte no Kultura (SEAK), Jorge Soares Cristovão hateten.

Objetivu prinsipal husi Festival ne’e mak atu promove dame, fraternidade umana, valoriza diversidade no pluralidade kultura entre Timor Leste no Indonezia, promove konetividade no empodera komunidade sira liu husi aspeitu kulutral no istoria ne’ebė refleta no inspira interasaun sosial, bazeia ba prinsipiu respeita direitus umanus, toleransia no solidariedade umana no hari’i hikas kultura dame ne’ebé nia abut mai husi fiar, matenek lokal, tradisaun, kultura no arte ne’ebé kontribui ba respeita valores umanu.

Reportazen RCCT