Covalima (RCCT) 07-07-21 Relasiona ho Pandemia Covid-19 nebe akontese iha Mundu tomak inklui mos Nasaun Timor-Leste. Xefi Suco Matai João Gusmão konfesa ba RCCT dehan hanesan Autoridade Lokal Durante ne’e Forma ona Ekipa husi nivel Municipio to’o Aldeia, hodi halo Prevensaun no Sosializasaun ba Vasinasaun ne’e.
“ Durante ne’e, ami Autoridade Lokal forama ona Ekipa husi Nivel Municipio ba to’o iha Aldeia, atu halo Prevensaun no Sosializasaun ba Vasinsaun ida ne’e” Dehan Xefi Suco Matai João Gusmão
Xefi Suco ne’e hatutan, ba dadaun ne’e komunidade iha Suco Matai balu mak simu ona Vanisa, maibe maioria mak sei dauk simu Vasina.
“Dadaun dadaus nebe ami iha, kuaze Vasina dala rua maibe, sira husi parte Saude sei dauk tuir dadus ne’ebe mak lolos, tuir lolos iha Suco Matai Posto Administrativu Maukatar ne’e, nia data fiksu ne’e iha ona, depois sira sona lori Ai-moruk Vasina ne’ebe mak husi Linha Frente nian, sira Saude sei atende hela Komunidade balu maibe maioria mak sei dauk simu Vasina” katak Xefi Suco Matai
Xefi Suco João Gumão salienta liu tan katak, Ai-moruk AstraZenka mak limita tebes, tamba ne’e, iha Suco refere komunidade barak mak sei dauk simu Vasina.
“Foin lalais ne’e mak ha’u nia Komunidade sira simu Vasina ne’e, liu husi Ai-moruk mak limita tebes Ai-moruk iha botir lima deit, ho ida ne’e mak ha’u nia Komunidade barak mak sei dauk simu Vasina, no maibe foin lalais akontese iha Sede Suco no mos iha klinika ne’e, hanesan sira rona deit informasaun, depois sira kontaktu malu liu husi Via Telefoni diretamente sira nian rasika mai buka atu simu Vasina ne’e” Tenik João Gusmão
Tamba ne’e mak, hanesan Autoridade iha Matau, Xefe Suco João nafatin fo korajem ba Komunidade sira iha Suco Matai atu lalika fiar ba informsaun sira Media Sosial, atu nune’e Komunidade sira bele salva a’an no hasa’e imunidade liu husi simu Vasina ne’e.
Jornalista : Aje Ferreira & Jana Cardoso
Editor : Chamot Nahac
