Covalima (RCCT) 05-05-22,Timor Leste atu Festeza Loron Restaurasaun da Independensia ba dala XX, ne’ebe monu iha loron Rua Nuluh Fulan Maiu (20-05-2022), Xefe Suku Debos Agustinho da Silva Hatete Pupulasaun Aldeia 9 iha Suku Debos tenki preparadu hodi simu loron istoriku ne’e.
Xefe Suku Debos Agustinho da Silva husu ba populasaun Suku Debos Aldeia 9 (Aldeia Tabaco Lot, Ahi Narai, Lakonak Besik, Lakonak Babu, Busa kukun, Asu Rai, Asumaten,no Lontale,Lo’okeu) atu halo lutu iha ida idak nia uma oin molok to’o loron Restaurasaun da Independensia Timor Leste ba dala XX ne’e.
“Ha’u husu ba populasaun sira iha Suku Debos, ba dadaun ne’e Ita prepara an hodi simu loron bo’ot, Loron proklamasaun, tanba ne’e fo hanoin ba populasaun sira atu halo lutu ka hadi’a lutu sira ne’ebé mak iha estrada ninin, hala’o mos limpeza iha uma oin atu nune’e simu loron bo’ot ne’e ita iha ambiente ne’ebé mos iha Ita nia Aldeia” Dehan Xefe Suku Debos Agustinho da Silva iha Nia kna’ar Fatin Sede Suku Debos Quarta Feira (04/05).
Nia mos husu ba Xefe Aldeia sira atu avizu ba komunidade Sira atu halo limpeza no hasa’e Bandeira RDTL iha ida-idak nia uma oin.
“Ha’u mos husu ba Xefe Aldeia sira atu avizu ba komunidade sira atu halo limpeza iha Aldeia ida idak no hanesan sidadaun Timor Oan tenki hasa’e bandeira ilha ida – idak nia uma oin” Xefe Suku Debos Agustinho da silva Akresenta.
Tuir Observasaun RCCT, Komunidade iha Suku Debos, Maioria hasa’e Bandeira RDTL iha Ida idak nia uma oin hodi Komemoras Loron Restaurasaun Independesia Timor Leste ba XX.
Reportazen : Jhana Cardoso/Efigénia Nascimento
Editor : Chamot Nahac
