Covalima ( RCCT ) 21-12-21, Xefe Suco Maudemu Maria Fatima, kestiona Juventude Sira iha Postu Administrativu Tilomar Liu liu iha Suco Maudemu hakerek Grupu Arte Marsiais Nia Naran iha iha Parede Eskola ka Fatin Publiku Sira.
Relasiona ho Membru husi Grupu Arte Marsiais (GAM ) balu ne’ebé Pinta Naran ou Kode GAM nian iha fatin publiku sira, Xefe do Suco Maudemu, Maria Fatima la satisfas Wainhira hare Juventude sira kontinua hakerek Arte marsiais Nia naran iha Fatin Publiku Sira tanba antes ne’ebe Konsellu suco Maudemu Hamos hotu ona Naran ka Kode Sira ne’ebé Pinta iha fatin Publiku sira iha Suco Maudemu ne’e.
” Tembok iha suco laran ne’e sira hakerek, 77, 46, 82, 80 no 1922, Ami husi Konsellu Suco Maudemu hamos ona, buat ne’e hanesan foer Ami pinta hamos ona, ami hamos hotu ona mos sira kontinua hakerek nafatin halo hanesan ne’e,ne’e oinsa mak ita bele rezolve.“ Informa Xefe Suco Maudemu Maria de Fatima.
Xefe Suco Maudemu hatutan sei hato’o ba Polisia konaba Juventude Sira Nia atitude ne’ebé hakerek Arte marsiais Nia naran no kode numeru sira iha Parede ne’e.
” Ha’u sei husu took karik iha Lei balu konaba ida ne’e iha ka lae? Karik se mak hakerek ninia angka ne’e iha ne’eba, kaer mak ninia respovel ne’e, para nia mai tangung jawab ba ninia hakerek ne’e, tanba ami koko atu hadi’a, hamos, sira mai halo nafatin ida ne’e, hanesn iha edifisiu publiku sira, hanesan tembok eskola nian, kantor kantor sira ne’e, derepente ita hare hakerek tia ona, mais ami koko hamos nafatin.“ Tenik Xefe Suco Maudemu Maria de Fatima
Entretantu Xefe do Suco Maudemu, Maria de Fatima husu ba Juventude Sira iha Postu Administrativu Tilomar Liu Liu ba Juventude Sira ne’ebé mak hla iha Suco Maudemu labele hakerek ka pinta arbiru Arte marsiais nia naran no kode numeru Arte marsiais nian iha tembok ka Parede Sira iha fatin publiku hanesan edifisiu no Parede Eskola nian.
Jornalista : Saturnino Soares
Editor : Chamot Nahac
