Xefe Suco Fernando “Tempo Bailoron Komunidade iha Suco Fohorem Komesa buka Be Mos”

Imajen Spesial Xefe Suco Fohorem Fernando Fereira

Covalima (RCCT) 02-09-21, Xefi Suco Fohorem, Postu Administrativu Fohorem Fernando Ferreira hateten, Aldeia 4 iha Suco Fohorem Sei nafatin halerik ba Be mos tan tempu bai loro komunidade sira komesa buka Be mos, Tanba Kanalizasaun Be mos nebe Dada husi Suco Laktos mai Suco Foherem ne’e Be Komesa Menus ona atu fahe ba komunidade sira iha Aldeia 4 nebe lokaliza iha kapital Suco Fohorem.

Xefi Suco Fohorem mos informa, iha tinan 2016 iha kompania rua mak dada Be ne’e, maibe na realidade to’o agora abandona hela Be ne’e.

Iha tinan 2016 iha kompania rua mak dada Be ne’e maibe ita la hatene failansu husi nebe, abandona husi tinan 2016 to’o agora Be ne’e la la’o, kompania ida naran Loro Mesak ne’e nia atinji ona iha 44% no Kompania Avante ne’e mos hanesan dada Be mos ne’e, husi Dato rua ne’e mai to’o agora abandona hela” Katak Xefi Suco Fohorem

Suco Fohorem Informa ba RCCT, dadaun ne’e hetan Ajuda hosi Care Internasional hodi halo rehabilitasuan ba Kanalizasaun Be mos nune’e Be nebe dada husi Suco Laktos bele Kobre fali ba Komunidade Aldeia 4 iha Suco Fohorem.

Kona ba Be mos iha Suco Fohorem ba dadaun ne’e menus ona, tamba tempu bai loro hanesan ne’e komunidade sira komesa buka Be mos, no Be mos iha Suco Laktos liga mai iha Suco Fohorem ne’e menus ona atu bele kobre iha Suco Fohorem, nebe agora dadaun husi CARE mos ajuda ami, tama ona ba rehablitasaun troka ona kadeli sira ne’e atu nune’e Be mos ne’e bele kobre hotu iha Aldeia 4 ne’e” Xefi Suco Fernando Hakotu

Jornalista : Aje Ferreira

Editor : Chamot Nahac