Covalima ( RCCT ) 19-10-21, Relasiona ho Kompanha Internasional Timor Resources nebe Implementa Atividades Perfurasaun mina Rai maran iha Municipio Covalima, Xefe Suco Debos Agustino da Silva husu ba nia komunidade sira liu liu ba Grupu Agrikultur sira tenke prepara an hodi kuda modo barak hodi fa’an kompanha Timor Resources hodi fo han ba nia Travalhadores sira iha futuru.
“ Ha’u hakarak fo sai ba Komunisdade sira iha Suco Debos laran tomak, liu – liu ba Grupu agrikultur hirak nebe mak hakiak modo, tanba tenpu besik ona atu udan tun rai, ho ida ne’e Ha’u husu ba ita bo’ot sira hakiak modo barak no tanba ba oin husi Kompanha sira hanesan kompanha Timor Resources sei sosa imi nia modo barak hodi fo han fali sira nia trabalhadores sira iha sira nia kompanha” Dehan Xefe do Suco Debos Agustinho da Silva iha Nia K’nar fatin Sede Suco Debos iha Bairo Costa.
Xefe Suco Debos hatutan, Komunidade sira tenke hakiak mos animal sira hanesan Manu, Fahi Karau no seluk seluk tan hodi faan ba Kompnha sira.
“ Ha’u husu ba Kominidade sira tenke hakiak Animal hanesan Manu,Fahi, Karau no seluk tan, tanba ema hirak nebe mak servisu iha kompanha Timor resources ne’e presiza han di’ak ho ida ne’e oras ne’e dadaun ita tenke hakiak ona animal no hakiak ona modo hodi hein ba kompanha sira nebe sosa ba nia trabalhador sira hodi han,nune’e osan hirak nebe mak komapanha sosa imi nia produtu hirak ne’e” Tenik Xefe do Suco Debus Agustinho da Silva.
Entretantu tuir Xefe Suco Debos hateten, halo enkontru ho kompanha Timor Resource iha fulan hirak liu, husi kompanha Timor Resource informa ba sira atu hatutatan informasaun ba komunidade sira atu hakiak modo no aniamal sira atu ne’e bainhira kompanha presiza ba sosa deit komunidade sira nia produtu nebe mak iha ona.
Jornalista : Saturnino Soares
Editor : Chamot Nahac
