Covalima ( RCCT ) 03-12-21, Hafoin Sekretaria Estado Igualidade no Inkluzaun ( SEII ) asina akordu ho Grupo 16 iha Municipio Covalima hodi hakbi’it feto sira iha vida Ekonomia Liu husi apoiu orsan ba Grupu Feto sira ho montante osan $ 2.000.000 kada Grup, Kinta Feira (02/12) iha Sede Suco Maudemu Postu Adminjstrativu Tilomar.
Relasiona ho Ne’e Xefe Grupu Feto Rona Nuan Talas Blandina Pereira Abuk ladun satisfas ho transferensia orsamentu nebe SEII halo.
“ Orsamentu rihun rua ( 2000.00 )deit tamba sa mak bo’ot sira bele transfer dala rua primeiru SEII fo uluk Atus walu dolares Americano no segundu mak foin fo fali rihun ida dolar atus rua mai ami nia grupu ho ida ne’e mak ami la dun satisfas nusa mak nai ulun sira la koi fo hotu kedas para ami sosa ami material no makina sira ne’ebe mak ami atu produs tais no produs kamizola no vistidu sir aba ema sira ne’ebe mak hela atu produs ba sira ” Informa Xefe Grupu Feto Rona Nuan Talas Blandina Pereira Abuk.
Hatan ba Preokupasaun, Asesor SEII Ivo Cancio hateten, SEII Kria Sistema no mekanismu transferensia Bazeia ba Lei nebe iha.
“ Iha Sekretaria Estado Igualidade no Inkluzaun ( SEII ) Ami kria sistema no mekanismu ida la hanesan ho tinan hirak liu ba ne’ebe fo direita orsamentu Sen Pursento ( 100 % ) tuir lei ami kria sistema transfere osan dala rua ( 2 ) primeiru transfere Dolar Atus Walu Amerikanu ( $ 800.00 ) depois tuir fali ita bo’ot sira halo relatorio hotu ba osan transfer primeiru nian mak ami hare fali relatorio sira ne’e husi Nasional depois liu husi Finansas Transfere fali osan ba Segundu periode nian ho montante Rihun ida Atus rua ( 1200.00 ) ba imi nia konta bankaria ” Asesor SEII Ivo Cancio Esplika.
Entertantu Asesor Ivo Cancio husu ba Grupu sira atu Kria Unidade hodi Jere osan nebe hetan ona Husi SEII. Nia mos Enkoraja Grupo Feto Sira wainhira halo ona Akordu ho SEII maka sei Hetan Transferensia bazeia ba Numeru Osan nebe Hakerek Iha Akordu mak Asina ne’e.
Jornalista : Saturnino Soares & Sofia de Araujo
Editor : Chamot Nahac
