Covalima (RCCT) 05-07-21 Grupo Servisu hakma’an todan hamutuk (Segutu) durante ne’e hetan apoio husi, KSI, IEP, CCC, Belun, Fokupers, inklui UNMEN. nebe durante ne’e kuda produto lokal Pateka, Modo, batar, fore nsst hektar ida resin, infrenta problema Asesu ba Merkadu atu faan sira nia Produto lokal sira.
Ba Jornalista RCCT Xefe Grupo Segutu Maria da Silva hateten, durante EE husi inisio to’o agora fo impaktu bo’ot ba sira nia Produtu Lokal nebe maka iha, tanba durante ne’e Produtu Lokal barak sai dodok, no sira nia parte fa’an deit ba Komunidade sira iha k’nua ho folin nebe baratu, Tanba durante ne’e la iha movimento transporte husi Kapital Municipio ba Sidade Dili.
” Durante EE ne kareta (Bus) sira la halai, para ami lori ami nia Produtu sira ne’e ba iha merkadoria, nebe ami nia Modo ho batar sira ne sai fohuk deit, nebe Ami iha grupo nia laran maka vitima tanba susar ba Osan, satan maka ami oan sira Eskola “ Sefe Grupo ne dehan.
Xefe Grupo ne’e sente triste ho situasaun ne’e, maibe nafatin esforsu hodi Kontinua kuda fini, ho prinsipio Ida katak labele mate ba hamlaha maske la iha Osan.
” Ami sente triste, Dala ruma ami hanoin ami nia produto sira ne’e sente trauma fali, Tanba Ami lori ba merkadoria iha Dili halo nusa, ami rona Covid-19 ne’e la hotu loss, maibe ami nafatin lere hodi kuda nafatin, atu nune ami la iha Osan mos labele mate ba hamlaha” Maria esplika.
Grupo Servisu hakma’an todan hamutuk (Segutu) ne’e lokaliza iha Aldeia Aitaman Suco Maudemo, no Grupo Segutu ne’e iha membro hamutuk Ema na’in 15, kompostu husi Feto 10 Mane 5.
No dadaun ne’e Grupo refere sei kontinua kuda Produtu hirak ne’e maske produtu lokal nebe durante ne’e barak mak estragus, Nune’e Xefe Grupo Segutu husu ba Organizasaun nebe durante ne’e tau matan ba Sira, atu Kontinua fo fini ba grupo hodi Kontinua kuda iha to’os.
Jornalista : Tynho Gusmao
Editor : Chamot Nahac
