Covalima (RCCT) 30-05-21, NGO Internsional World Vision Sexta (28-05) foin lalais ne’e servisu hamutuk ho Start Fund hodi fo apoiu Neseesidade bazika ba komunidade Vurneravel hamutuk na’in 65 iha Postu Administrativu Fatumea.
Iha distribuisaun Nesecesidade Bazika (ai han) ba komunidade sira iha Postu Administrativu Fatumea ne’e Manajer World Vision Municipio Covalima João Moniz hateten apoiu emerjensia ne’e ba ema nebe mak afeta inundasaun nebe akontese iha fulan hirak liu ba.
“ Apoiu ba emerjensia liu liu ema nebe mak hetan sai vitima inundasaun iha fulan kotuk tanba fundus hirak nebe apoiu husi Start Fund ne’e hare liu vitima sira nebe mak hetan inundasaun, tanba ne’e iha tempu badak ami sei submete relatorio ba Doador sira iha loron 31 fulan ne’e ” Dehan Manager World Vision Municipio Covalima João Moniz
Manager João Moniz hatutan iha situasaun serka sanitaria ne’e World Vision mos bele apoiu komunidade sira nebe mak presiza hahan liu liu iha postu Fatumea,
“ Ho oportunidade ida ne’e ita bele apoiu fali ita nia komunidade sira ne’e mak hetan susar iha tempu ida ne’e , ami nia parseiru desemvolvimentu seluk mos apoiu komunidade sira iha fatin seluk, tamba ne’e ita nia Administrador Municipio destaka ami nia Organizasaun World Vision mai iha Posto Fatumea no ami lori material higene no ai han ba uma kain ne’en nulu resin lima ( 65 ) iha Posto Administrativu Fatumea ida ne’e sira bele aguenta hodi han ai han nebe mak ita ajuda” Tenik Manager World Vision Munisipio Covalima João Moniz
Enkuatu iha distribuisaun nessceidade bazika ba komunidade sira iha Posto Administrativo Fatumea Adminitrador Municipio Covalima Fransisco Andrade agradese ba NGO World Vision ho nia parceiro Start Fund tanba bele responde ona komunidade sira nia nesecidade iha tempu emrgensia ne’e .
“ Hau’ hanesan Administrador Munisipio Covalima hato’o agradese ba World Vision ho nia parseira nebe ajuda ona povu Fatumea sira nia halerik hodi responde ona sira nia situasaun iha emerjensia ne’e. Dehan Andrade.
Enkuantu tuir Administrador Municipio rajaun destaka NGO Wold vision hodi fo apoiu nesesidade bazika ba komunidade Vurneravel sira iha Postu Administrativu Fatumea atu nune’e bele evita mos atividade ilegal iha fronteira Fatumea tanba Postu Administrativu Fatumea besik liu ho Nasaun vizinhu Indonezia.
“ Ho Rajaun ida mak ita nia Parceiro Ngo sira responde nesesdade ne’e atu nune’e ita bele evita atividade ilegal iha linha fronteira Fatumea ho Indonezia, kuando ita nia kabun ne’e hamlaha ona ita atu mate mos ita la hanoin ona, ho buat sira ne’e mak ha’u konversa ho manager NGO Wold Vision hodi foti desizaun lori ai han bazika mai iha Posto ida ne’e hodi responde ba komunidade sira nebe mak Vurneravel tebes ”Tenik Administrado Municipio Covalima Fransisco Andrade.
Entertanto tuir Manager Wold Vision Municpio Covalima hateten apoiu nessesidade bazika ba komunidade sira nebe hetan dezastre naturais no ema Vurneravel sira iha Postu Administrativu Fatumea hamotuk uma kain 65, iha Posto Fatululik uma kain 50, Posto Maucatar uma kain 40 no Posto Zumalai uma kain 115. tanba ne’e durante Ambito Dezastre Natural iha Covalima Wold vision fo ona apoiu ba komunidade afetadus iha Postu 4 nebe (Fatumea, Fatululik, Maukarat no Zumalai) hamutuk uma kain 270, no fundus ba apoiu hirak ne’e mai husi Start Fund nebe servisu hamutuk ho Wold Vision iha Timor Leste.
Jornalista : Saturnino Soares
Editor : Chamot Nahac
