Covalima (RCCT) 24-05-21, Relasiona ho udan Wen la mai durante Fulan 3 hodi difikulta Komunuidade Agrikultur sira nia natar hektares sanulu-resin iha Suco Suai Loro Postu Administrativu Suai, tanba ne’e representante Komunidade Agrikultur Aldeia Mane Ikun Suco Suai Loro Armando Soares husu ba Governo liu liu orgaun relevante atu halo irigasaun, tajba udan Wen la mai durante Fulan tolu ona halo produsaun hare iha Natar laran menus.
“agora hare ami kuda hotu ona, maibe ita hotu hatene udan la mai durante fulan tolu ona, depois mota tafara mos We menus los, nebe agora dadaun rai maran loss, halo rai nakfera iha natar laran, no ami iha ne’e natar hamutuk hektares 10 resin mak la hetan we, depois We mai mos ami hadau deit, nebe ami husu ba parte relevante oinsa maka bele resolve problema ida ne’e, hodi aguenta ami nia hare ne’e ” Dehan Armindo
Tanba ne’e Armando soares ne’e sente triste ho haree sira komesa maran, tanba impaktu husi Udan Wen nebe la mai durante fulan tolu ona.
“ Ami triste tebes, tamba ami nia hare komesa maran ona ne’e, agora udan be’en la mai, be’e husi mota mos mai la to’o ” dehan Armindo Soares
Liga ho preokupasaun ne’e Diretor Servisu Agrikultura Municipio Covalima Zeferino Amaral informa, nia parte komunika ona ba Diresaun Nasional Irigasaun, hodi bele orienta operador sira mai Covalima hodi atua situasaun ne’e.
“ Baseia ba situasaun ne’e iha fulan rua liu ba, ami halo ona survei ba Mota Tafara, tanba ne’e maka ita komunika bebeik ba ita nia Ministério atu fo atensaun ba situasaun ida ne’e, para oinsa maka lori operador iha Ministério Agrikultor ne’e lori mai iha Suai, hodi apoio ke’e kanu iha tafara, hodi hatama We ba area natar nebe maka ita mensiona ” Diretor Servisu Agrikultura Covalima ne’e hakotu.
Jornalísta : Tynho Gusmão
Edítor : Chamot Nahac
