Covalima (RCCT) 25-06-21,Vice-Ministru Interior halo enkontru ho Autoridade Municipio Covalima hodi ko’alia kona ba Prevensaun Surtu Covid-19, iha engkontru ne’e, Vise-Ministru Interior Antonio Armindo hateten, liu husi vizita ne’e hodi halo kampanha, aleinde ne’e mos hodi ko’alia ho Autoridade sira, iha Municipio to’o Suco, no mos Ekipa Saude, inklui Parte Seguransa tanba konsidera sira papel importante tebes atu asegura Sidadaun hodi simu Vasina.
“Ami nia vizita ida ne’e, hodi halo kampanha aleinde ne’e mos atu ko’alia ho inan aman tenki simu Vasina, no mos Autoridade sira, husi Municipio to’o Suco, no Ekipa Saude sira, inklui mos husi Parte Seguransa sira, tanba ita bo’ot sira nia papel importante tebes, atu nune’e bele Asegura ita b’oot sira nia Sidadaun tenki simu Vasina” Dehan Vise-Ministru Interior Antonio Armindo iha Salaun Administrativu Covalima.
Vise-Ministru Interior ne’e hatutan, Govenu halo kampanha nune’e Sidadaun hotu iha Timor-Leste Tenki simu Vasina, tanba ho Vasina mak bele protese ema nia saude no mos Nasaun Timor-Leste.
“ Ita nia Guvernu Timor- Leste halo Kampanha, atu nune’e Sidadun hotu tenki simu Vasina, tanba Vasina ne’e bele Protese ita nia aan, ita nia Familia, ita nia vizinu, ita nia Sidadaun hotu, no mos Nasaun Timor-Leste” Tenik Vise-Ministru Interior.
Partisipasaun Engkontru ne’e mak hanesan; Autoridade Municipal, Institusaun Relevante, Parte Seguransa, no Sosiedade Sivil balu.
Jornalista : Aje Ferreira
Editor : Chamot Nahac
