Covalima (RCCT) 08-07-21, Vise Ministro Administrasaun Estatal (MAE) halo inaguarasaun bee mos Sistema Gravitasaun iha Suco Taroman Aldeia Makous, inklui halo Inagurasaun Sede Suco Rua iha Posto Administrativo Fatululik kompostu husi Suku Taroman no Fatululik.
Iha Intervista ho Jornalista Vise Ministro Administrasaun Estatal (MAE) Dr Lino de Jesus Torezao hateten Orsamento ba rehabilitasaun Sede Suco Rua iha Posto Fatululik ne’e ho montante orsamentu hamotuk ba kada Sede suku $ 11.622,20, no Orsamento Nebe aloka ba rehabilitasaun be mos Sistema gravitasaun iha Suco Taroman hamutuk $ 29.002,15.
” Objetivo ohin ne Ita Inagura Sede Suku Rua ne maka Fatululik ho Taroman, ho inklui Be’e mos, nebe Orsamento ba Sede Suku Rua ne, kada Sede suku $ 11.000 resin, no ba rehabilitasaun be’e mos 28.000 resin “ Vise Ministro MAE dehan iha nia intervista.
Vise Ministro ne’e esplika, halo Inauguarasaun Sede Suco maibe seidauk iha Fasilidades ba konselho Suco Sira atu uja hodi atende Komunidade Sira, Tanba ne’e Nia Informa Sei apoio Fasilidades iha tempo badak.
“Ita hari Sede suku Ita presisa Fasilidades atu nune atende Komunidade, maibe Agora dadaun fasilidades kadeira no meza prepara ona Hein lori Mai deit ona, inklui Sede suku Ida Ida sei hetan hotu komputador, nebe Hein Mai deit ona “ Vise MAE ne deklara.
Vise Ministro MAE ne’e dehan iha tinan ne’e sei rehabilita Sede Suco hamotuk 250 iha teritorio Nasional, no tinan oin Kontinua sei kontinua rehabilita Sede Suco hamutuk 202, no Ekipa Gestaun Suco maka sei konstrui Liu husi matadalan PNDS nian nebe iha.
” Rehabilitasaun ne sei iha kontinuasaun, tinan ne Sede Suco 250, no tinan oin sei iha Tan 202, depois Ekipa Gestaun Suku Sira maka konstrui baseia ba matadalan PNDS nian nebe maka iha” Vise MAE informa.
iha fatin henesan Administrador Municipio Covalima Francisco de Andrade husu Komunidade Sira atu kuidad Be’e mos nebe maka halo ona inaguarasaun iha Suku Taroman.
“Ha’u husu ba imi, imi iha ne sente uitoan ona Desenvolvimento, nebe resultado nebe maka ohin Ita Inagura ona, tenke kuidado labele hanoin atu estraga deit, liu-liu ba Be’e mos iha Ita bot sira Nia suku rasik” Administrador Municipio dehan.
Prosessu Konstrusaun ba Be mos ne’e hahu iha Loron 02/12/2020 no remata iha Loron 02/03/2021, no Konstrusaun Sede Suco rua iha Posto Administrativo Fatululik hahu iha Loron 01/06/2021, no remata iha Loron 01/09/2021.
Nune’e iha Serimonia Inaugurasaun ba Be mos no Sede Suco Rua kompostu husi Fatululik no Taroman ne’e akonpanha Husi Vise-Ministro Administrasaun Estatal ho Nia komitiva sira, Administrador Posto Maucatar, Fohorem, Fatululik, inklui Xefe Suco sira, no partisipa masimu husi Komunidade Sira iha Posto Administrativo Fatululik.
Jornalista. : Tynho Gusmao
Editor : Chamot Naha
