Covalima (RCCT) 25-06-21, Relasiona ho difikuldade nebe Kompando PNTL Municipio Covalima Infrenta kona ba menus transporte, Radio Komunikasaun no nsst, Vise-Ministru Interior Antonio Armindo klarifika wainhira halo vizita ba komando Polisia Covalima Sexta feira ohin, Vice Ministru dehan difikuldade nebe maka Komando PNTL Covalima Infrenta hahu alista hodi hadi’a, no iha Tinan ne’e ajuda ona transporte, no iha tinan sei foka liu ba infra-strutura hodi hadia Postu siguransa sira iha Fronteira.
” Difikuldade hirak ne’e maka hanesan ita hotu nia problema, Ita rekonhese ida ne’e no alista Ida ne’e, Ita hahu hadi’a uitoan-uitoan, ne’e maka Ita hotu hatene tinan ne’e Ita ajuda ona transporte, Ita foka liu ba Infra-estrutura, hanesan ita hahu ona atu hari Postu Foun, hadi’a ona Postu Fronteira, Ita hahu husi Fronteira maka mai iha Nasaun laran, ida ne’e maka ita Nia hanoin, no tinan oin mos Ita foka liu ba iha Infra-estrutura “ Governante ne’e Esplika.
Komandante PNTL Municipio Covalima Super Intendente Polisia Antonio Maria de Sa, orgulho, ho Vise-Ministro Interior hodi observa direta kondisaun nebe Komando PNTL Covalima Infrenta durante ne’e.
“Hanesan Autoridade Seguransa hamutuk ho Membru sira agradese tebes, Tanba bele hetan Vijitasaun husi Sua Exselensia Vise-Ministro Interior hodi observa direta kondisaun nebe maka Komando PNTL Covalima Infrenta, liu-liu ba iha Infra-estrutura, Transportasaun nomos kondisaun seluk-seluk Tan “ Komandante ne’e hakotu.
Jornalista : Tynho Gusmao
Editor : Chamot Nahac
