Covalima (RCCT) 07-08-21, Relasiona ho akontesementu asidente Trafiku, Horsehik loron Sexta feira (06-08) Mikroleta Celvia Amor nebe mak tula estudante sira hosi eskola EBC Nu 3 Salele hafoin fila hosi eskola atu ba uma no mikroleta baku fila hodi hakotu estudante ida nia vida no sira seluk hetan kanek no tohar no agora dadaun trata hela iha ospital referal Suai no balun fila ona ba sira nia rezidensia.
Vice Directur EBC Salele Fransisco da Silva kasu lia ba ekipa Jornalista iha Matebean Estudante Jacob Manleo Cardoso Orlando nian rezidensia hateten relasiona ho Ezame segundu Periodu nebe atu akontese iha tempo badak Eskola fo toleransia ba Estudante sira nebe sai vitima ba Asidente Trafiku Mikroleta Celvia Amor baku fila ne’e atu bele tuir Ezame wainhira sira rekopera husi sira nia kanek no tohar.
“ Iha tempo badak eskola sei realiza izame segundu periodu no ba estudante sira nebe mak hetan asidente ne’e sira la’os atu tuir izame iha ospital maibe sira rekopera hotu mak ami sei kopera ho profesores disiplina sira hotu atu perpara materi hodi tuir fila fali izame segundu periodu hanesan mos sira nia kolega sira seluk nebe mak tuir ona atu nune sira mos bele hetan valor hanesan kolega sira seluk, no ha’u mos hakfodak bainhira rona estudante sira hosi wetaba hetan asidente baku fila ho mikroleta ne’e no hodi evakua ba iha ospital” Vice Diretur Fransisco relata ba ekipa Jornalista.
Engkuantu iha akontesementu ne’e polisia Transinsito Covalima tun kedas ba ha fatin akontesementu no foti kedas mikroleta Celvia Amor no Kondotor no Ajundate hodi mai iha komando Polisia Municipio Covalima.
Jurnalista : Lito de Jesus
Editor :Chamut Nahac
