Veteranu “Mameran” – Hetan Kilat ida Marka AESE 92 Iha Komunidade nia To’os iha Foho Lulik

Covalima (RCCT) 04-09-21,Veteranu Manuel Barboja Pina kodigu Mameran ho ninia ekipa informasaun hetan ema infiltra kilat ida ho marka AESE 92 iha Komunidade ida nia to’os iha Suco Beiseuk Aldeia Foho Lulik, Postu Administrativu Tilomar, Kilat ho marka AESE 92 ne’e infiltra ilegal mai kompletu ho bala musan kuaze 30 resin nebe falun iha plastiku tabako Sek, no mos kompletu ho Peredam Suara, no Asesoris Karedor Automatika.

Hafoin Hetan Informasaun ne’e iha Sexta Feira (03-09) Mameran informa kedas ba Autoridade Siguransa atu halo atuasaun no asegura evidensia ne’e.

Ho ida ne’e iha Sabado (04-09) dader mais ou menus tuku 8:30 Mameran ho nia Ekipa servisu, Komandante Polisia UPF Postu Foho Lulik no SIP halo serku ba fatin akontesementu to’o hetan Evidensia ou Kilat ho Marka AESE 92 nebe rai iha Baraka ou uma to’os komunidade ho naran Inisial FL

Horsehik iha Uma ora ka Duas oras ne’e ha’u telfone kedas ba SIP, Ha’u telefone ba F-FDTL, ha’u telefone direita kedas, Sira hatan dehan evidensia A1 lai mak sira mai atu Atua, maibe ha’u nudar rai na’in, Foho Lulik oan, Ha’u atua kedas maibe ha’u la besik kiltak ne’e, ha’u hein to’o ohin SIP no Komandante UPF Postu Foho Lulik mai rega tia mak foin loke no hatene dehan ne’e la’os kilat ahi, maibe kilat ne’e bele tiru karau mate no ema mos mate” Mameran Klarifika.

Nia Fundamenta tuir informasaun nebe hetan Kilat ho marka AESE 92 ne’e tama horsehik (03-09) iha oras tuku 12 loro manas nebe Komunidade to’os na’in ho naran Inisial FL mak halo Infiltrasaun ba Kilat ne’e. Mameran Klarifika Nia ho nia Ekipa Informasaun halo kedas Serku ba to’os Subar Kilat fatin ne’e depois halo kontaktu via telefone ba Autoridade siguransa Nune’e bele Asegura fatin ne’e hodi hetan Evidensia ne’e.

Depois Ha’u Simu Informasaun via Telefone husi ha’u nia membro sira, ha’u mos uja kedas mekanizmu halo serku ba to’os ne’e, To’os ne’e ema ida naran FL ninian, Ami serku fatin ne’e komesa horsehik Meiudia hahu iha uma ora to’o duas oras, to’o ami hetan evidensia ne’e” Tenik Mameran.

Nune’e Iha iha Dia 4 de Setembru Mias Ou Menus tuku 9 ho balun SIP ho Komandante UPF Postu Foho Lulik no Ekipa hamotuk ho Veteranu Mameran ba foti kedas kilat ne’e intrega ba Komando Poilisia Covalima hodi bele halo Investigasaun.

Maske nune’e ema nebe halo aktu Infiltrasaun Kilat ho marka AESE 92 ne’e sei dauk intrega aan ba Parte Sigurasan Iha Covalima. Tanba ne’e Mameran husu ba Polisia Covalima atu Kaptura lalais Autor ne’e hodi Supmete ba Investigasaun no Prosesa tuir lei nebe Vigor iha Timor Leste.

Hanesan Veteranu ida ha’u pronto Kontribui no kopera ho Polisia para Tenki Kaptura ema ne’e, tenki Kaer nia, hodi intrega ba Polisia hodi Prosesa tuir Lei nebe iha.” Katak Nia

Engkuantu Liga ho akontesementu ne’e, Komandante Polisia Covalima Antonio Maria de Sa Informa ba RCCT iha Rezidensia Autor ba Infiltrasaun Kilat ne’e Polisia Covalima Detekta ona no sei Kaptura kedas ho halo investigasaun nune’e bele deskobre ninia maluk sira seluk.

Autor ne’e ita detekta ona, no ita sei kaptura kedas nia, hodi deskobre ninia maluk sira seluk no bele halo prosesa tuir lei nebe mak Vigor” Katak Komandante Polisia Covalima iha ninia rezidensia.

Komandante Antonio mos dehan Polisia Covalima sei nafatin halo Operasaun hodi detekta ema sira nebe uja sasan kroak nebe mak kontra lei armas brankas.

Ita Siguransa ne’e Nafatin halo Operasaun, ita nia intelejen sira mos la’o hela, ida dadaun ne’e ita deskobre tanba ita nia maun veteranus sira iha neba mak halo aproximasaun para sira intrega aan, aleide intrega aan sira mos tenki intrega evidensia karik sira lori sasan kroat ruma tenki intrega para ita prosesa sira lori ba tribunal” Tenik Komandante Polisia Municipio Covalima.

Engkuantu dadaun ne’e Evidensia ou Kilat ho Marka AESE 92 ne’e Asegura hela iha Komandante Polisia Municipio Covalima nia Rezidensia iha St.Rosa Debos molok Komandante Polisia Municipio Intrega ba Polisia Seksaun Investigasaun iha Komando Polisia Municipio Covalima.

Ne’e Hanesan Komandante Municipio, Ha’u Asegura Evidensia ne’e, orsida ha’u Intrega ba Xefe Investigasaun para Asegura, hodi hein kaptura autor sira ne’e, tanba ne’e Kilat Manu, La’os Kilat Maujer ka Kilat Seluk, Intrega ba Investigasaun, hein autor ne’e mai ita idetifika los ninia estatus kona kilat ne’e nia sosa iha se, nia lori mai husi nebe, ou nia mesak mak lori ka sei iha ema seluk tan” Nia Klarifika.

Komandante Antonio Mos dehan maske Kilat Manu ne’e mos Kontra Arma Braka ninian tanba ne’e kolker sidadaun nebe uja kilat ne’e tenki intrega ba Autoridade Siguransan/Polisia.

“Kilat Manu ne’e ita Kaer Barak Ona, Foin dadaun ita kaer tan Kumunidade dala ruma Kalan ba Kasa, ne’e Komunidade babain mos uja kilat ne’e. Kilat Manu mos Kontra Lei Arma Branka Nu 5/2017, entaun se deit mak kaer ka uja kilat ne’e tenki intrega ba Autoridade siguransa, se lae mak polisia halo operasaun mak hetan sira tenki responsaveliza perante Lei nebe Kriminiliza ona kilat nebe sira uja ne’e.” Komandante Polisia Municipio Covalima Hakotu.

Engkuantu hafoin hetan infrormasaun kona infiltrasaun kilat ne’e iha sexta (03-09) meiudia, iha sabado (04-09) dader san Mais Ou Menus tuku 8:30 Komandante Polisia UPF Postu Foho Lulik ho ninia Ekipa, Veteranu Mameran ho nia Ekipa informasaun no SIP halo kedas Serka ba to’o nebe autor uja subar kilat ho marka AESE 92 no to’o iha tuku 9 Ekipa ne’e Hetan Evidensia Kilat AESE iha Uma to’os nebe sei falun iha pasta metan laran.

Kobertura : RCCT

Editor : Chamot Nahac