Covalima (RCCT) 26-10-21,Responsavel Veteranus iha Suco Dato Tolu Postu Administrativu Fohorem Alexandre Morais tristi ho Program Nasional Dezemvolvimentu Suco (PNDS) tanba ekipa PNDS ho lideransa Suco sira mak impede atu halo Kanalizasaun Be mos ba komunidade sira iha Lakalese, Aldeia Natardik.
Ba jornalista Radio Comunidade Veterano Alexandre Morais Konsidera Programa Nasional dezenvolvementu Suco (PNDS) Iha Lakalese falha ho kanalizasaun be mos ba komunidade sira. Tanba Lideransa Suco no Ekipa PNDS muda kanalizasaun be mos husi Lakalese Aldeia Natardik ba Fali aldeia Seluk la bazeia ba Engkontru nebe Ekipa no Lideransa Suco sira halo komunidade.
“Uluk Komunidade no Lideransa Suco hamotuk ho Ekipa husi Programa Nasioanal Dezemvolvimentu Suco (PNDS) halo ona engkontru atu kanaliza Be ba komunidade sira iha Aldeia Natardik, maibe to’o besik atu implementa Kanalizasaun, autoridade lokal ho ekipa PNDS kansela hodi transfere ka muda fali ba Aldeia seluk” Katak Morais iha Lakalese, Aldeia Natardik Segunda Feira (25/10)
Veterano Alxandre Moraias mos Senti Triste ho Maneira nebe Lideransa Suco no Ekipa PNDS halo ba Komunidade sira iha Lakalese, Aldeia Natardik hodi Kansela Kanaliza be ba komunidade sira iha Lakalese ho Razaun orsamentu la sufisiente.
“Ha’u Nudar Responsavel Veteranus iha Suco Dato Tolu, senti tristi tebes ho maneira Lideransa Suco ho ekipa ONDS nian ne’e, tamba ha’u rasik ba halo kordesaun ho Ekipa PNDS mos ho Autoridade lokal sira hodi ko’alia kona ba kanselamentu kanalizasaun be’e mos ba komunidade sira iha Lakalese, Maibe, Autoridade Lokal sira hatan husi katak orsamentu la to’o atu kanaliza be ba komunidade sira iha Lakalese, maibe ami nia hatene orsamentu husi PNDS koloka ba Suco iha tinan ida ne’e ho montante Rihun ha’at nulu resin ha’at ( $ 44.000.000 ) tamba sa mak kanalizasaun be husi be matan mai komunidade nia let dehan la to’o, ida ne hanesan politiza malu ho maneira bosok ita nia komunidade sira” Dehan Responsavel Beteranus Suco Dato Tolu Alexandre Morais.
Nune’e mos Veterno Morais deskorda ho teknik PNDS nia deklarasaun kona ba atu dada be husi be matan Bere Metan ba Sub Aldeia Lakalese maibe Tekniku husi PNDS dehan be husi Bere Metan la bele dada ba to’o Lakalese no sei maran ka Mout deit iha dalan klaran.
“Ita Bele Kopera hamotuk ho Estadu dada be husi Bere Metan mai Lakalese, maibe tekniku husi PNDS nian dehan be husi neba mai sei mout hotu, nusa mak be iha dalan tun ne’e iha mas dehan fali sei mout hotu deit ne’e, se nia dehan hanesan mak injeneiru se mak mai survei be Bere Metan ne’e nia laos Injeneiru.” Tenik Morais
Hatan ba Preokupasaun ne’e Injeneiru PNDS Municipio Covalima Pedro de Araujo Gomes dehan, PNDS so bele fasilita deit Prosesu Implementasaun Projeitu maibe desizaun hotu mai hotu husi komunidade no konselu do Suco.
“Kanselamentu husi tekniku PNDS Posto No Tekniku PNDS Munisipio ne’e hanoin informasaun ne lalos tamba tamba atu foti desizaun kanalizasaun bemos iha suco no aldeia laran ne’e husi konselhu suco sira mak bele foti desizaun hamutuk no ami ne’be serbisu hanesan funsionario PNDS fasilita deit ita nia strutura suco nebe mak gere osan no programa konaba PNDS nia iha Suco Laran “ hatan Ingeneiru PNDS Municipio Pedro de Araujo Gomes
Engkuantu Veterano Alexandre Morais husu ba Governu atu tau matan ba komunidade Lakalese, Aldeia Natardik, Suco Dato Tolu liliu kona ba Kanalizasaun be mos ba komunidade hodi nune’e Komunidade Bele asesu be mos hodi nesesita moris loro loron.
To’o Notisia ne’e hatun RCCT seidauk halo Konfirmasaun ho Autoridadea Suco Tanba Xefe do Suco Dato Tolu halo Aktividade Selu Fora husi Municipio Covalima, iha Municipio Ermera.
Jornalista : Asato Soares
Editor : Chamot Nahac
