UPF Covalima Prende Sasan kontra Bandu “tabako sek Bantal rua”

Covalima (RCCT) 09-06-21, Relasiona ho Situasaun Estado Emergensia (EE) no Serka Sanitaria (SS) Membru Unidade Polisia Fronteira Municipio Covalima Prende tabako sek bantal 2 inklui ho motor Ida nebe tula sasan hirak nebe tama liu husi dalan ilegal ne’e.

Ba Jornalista sira, Sargento Xefe Norberto Mendonca Cardoso Informa, Tabako Sek Bantal 2 inklui ho Motor nebe uja hodi tula Tabako ne’e  Unidade Polisia Fronteira sei assegura iha  Companha UPF Bravo Kasabauk hodi hein prosessu tuir dalan legal.

” Ema ne’e lori sasan kontra Bandu ne’e atu mai Suai-Vila, ho Ida ne’e ami kordena ho parte investigasaun ho Saude hodi foti ema ho sasan ne’e, Tamba ami halo patrolha ne’e liga ho Situasaun Serka Sanitaria ho Estado Emergensia, depois tabako sek bantal rua, ho Ema nebe maka ho motor tula sasan ne’e, agora ami assegura hela sasan ne’e, hodi hein prosessu” Sargento Sefe ne’e dehan.

Enkuanto Sidadaun ho inicial RA hela iha Aldeia Wetaba, maka tula sasan kontra Bandu hanesan Tabako Sek Bantal  2 iha motor ho Sapa Matrikula L. 3460.

Entertanto ho Situasaun Estado Emergensia ho Serka Sanitaria (SS) Unidade Polisia Fronteira Municipio Covalima nafatin esforsu hodi halo patrolhamento iha Linha Fronteira ho rigor, atu nune’e bele prevene movimentu ilegal iha Linha Fronteira Municipio Covalima.

Jornalista : Tynho Gusmao
Editor       : Chamot Nahac