Covalima (RCCT) 01-07-21 Aktivista Pro-RDTL halo Konfrensia de imprensa hasoru Governu TImor Leste Nebe Assina Memorandum ka Nota de Entendimentu ho Estadus Unidus Amerika (EUA) hodi fo oportunidade ba EUA hodi Reabilitasaun ba Aeroportu Baucau.
Relasiona ho Akordo entre nasaun rua ne’e maka Diresaun Geral dos Kombatentes e Veteranus (DiGKOV) no UNIJMA/ ATIVISTA PRO-RDTL iha FRETILIN – MOVIMENTU ka FRENTE AMPLA, rejeita total kona ba akordu nebe asina iha loron 28-Junho-2021, nebe fo biban ba EUA hodi halo reabilitasaun ba Aeroportu Baucau.
Tanba ne’e iha Konfresia imprensia ne’e Porta Voz Rosalino da Conceicao hateten, Kona ba planu Aeroportu Baucau nia reabilitasaun, durante ne’e, sira nia parte alerta dala barak ona ba Governu Timor-Lesta sobre Imperialismu nian, Taktikal lolos,.
“Kona ba planu reabilitasaun Aeroportu Baucau , durante ne’e ami alerta dala barak ona ba ema sira nebe kaer ukun sobre imperialismu nian, taktikal lolos, sira lakoi rona, no ikus mai, kontenti deit ho oferta gratuita ka ho liafua Aviasaun Sivil no dezenvolvimentu Ekonomiku, asina akordu ho Estadus Unidus Amerika (UEA) nian Embaixador iha loron 28 Junho 2021″ Dehan Porta Voz Rosalino da Conceicao iha Konfrensia ne’e.
Nune’e mos ho preokupasaun bo’ot ba RDTL no Povu Maubere nia destinu iha futuru, Nune’e Ativista Pro-RDTL rekuza nafatin, tanba EUA falun hela nia plano real atu tau baze militar naval (Sea base) no forsa Aerea (Red Horse) iha RDTL nia fatin estrategiku ne’e.
“Nune’e mos preokupasaun bo’ot b RDTL no Povu Maubere nia detinu iha futuru, ami rekuza nafatin, tanba (UEA) falun hela ho nia planu real atu tau baze militar naval (Sea bees) no forsa aerea (Red Horse) iha RDTL nia fatin estrategiku ne’e, buat ida ne’ebe perigozu tebes hanesan, Estadus Unidus Amerika (UEA) ne’ebe ohin sadik, ka provoka malu bei-beik ho paizes asiatikus balun, hanesan Korea do Norte no potensia asiatiku seluk ho kapasidade nuclear , wainhira funu bo’ot ruma,nakfera iha futuru, nia bele aproveita situasaun ne’e hodi apodera no instala ni-nian, baze militar iha fatin estrategiku ne’e, bele halo Timor-Leste sai alvu de atake ba potensia beligerante seluk inplikadu iha funu, hodi lori tan terus rohan laek ba povu maubere ho nia oan sira nune’e sei labele kompara ho dezemvovimentu ekonomiku saida deit” Dehan Porta Voz Rosalino da Conceição.
Porta Voz Rosalino da Conceicao informa, nafatin ezije ba Estadu atu anula kedas akordu ne’e, no labele fo poder tomak ba Estadus Unidus Amerika (EUA).
Jornalista : Jose Ferreira
Editor : Chamot Nahac
