Unidade Trânzitu Nasional ho Afandega Salele Covalima halo lansamento taka Stiker viaturas ba Camioneta nebe tula sasan husi Indonesia mai Timor Leste.

Covalima (RCCT) 08-07-21,Polisia Unidade Trânzitu husi Nasional hamutuk ho Alfandega, DNTT Covalima, no instituisaun relevantes nebe hala’o servisu iha Fronteira Portu Entrada Salele, halo abertura Taka estiker viaturas ba Kamioneta nebe tula sasan husi Indonesia mai Timor Leste.

Ba Jornalísta sira Adjunto Komandante DTSRN Inosensio Freitas hateten Abertura taka estiker viaturas ba Kamioneta nebe tula sasan mai Timor Leste tanba kareta nebe mai husi Indoensia ne’e ho nia Sapa Matrikula rasik, maibe tama iha territoria laran tenke tau estiker (Vinheta) nebe iha, ho validu durante Loron lima.

Ita taka estiker tanba nia husi sorin mai ne’e nia ho nia DF, maibe tama ona iha territorio laran ne’e ita tenki tau stiker, exemplo kareta nebe mai iha sorin ne’e ho marka DH.8629 EE, entaun ita tau fali CS-001, depois ami iha ne hatene deit maka kareta, sasan nebe maka nia tula ne ami la hatene, ne Alfandega nia servisu, ami hatene deit maka kareta tama mai selu tuir roda 4 ninian, roda 6 selu ninian, motor selu tuir ninian ” Inosensio ne’e dehan iha Fronteira Salele Qaurta Feira (07-07)

Inosensio Freitas esplika liu tan, bainhira tula sasan as liu 4 metros sei kona multa, tanba iha artigu 117, bainhira la kumpri regras muatan maka sei multa $ 12.00 to’o $120.00 dolares Amerikanu.

Tula fali sasan mos hanesan, as liu fali kareta 4 resin mos nia kona sansaun tamba nia regras ne’e iha, ne’e maka iha artigu 117 ne’e dehan, se la kumpri regras muatan nian nebe iha neba iha, maka nia sei selu $ 12.00 to’o $ 120.00 ” Insensio esplika.

Inosensio ne’e haktuir se kuando kamioneta nebe tama mai Timor Leste (Covalima) ne’e sei halo Operasaun durante loron lima maka la fila, maka sei kona infrasaun ka multa.

Sira ne’e kuando tama maka durante loron lima mos la fila entaun kona infrasaun ka multa, nebe ba kareta Lizeiru ne vale ba motor roda 2 no kareta roda 4 ne sei multa minimu $2.00 másimu $ 15.00, ba kareta pesado hanesan roda 6,8,12 sira sei multa minimu $ 5.00 to’o $ 30.00 ida ne maka sira tenke selu ” Inosensio esplika.

Ba dadaun ne’e Tranzitu nain lima maka hala’o ona sira nia Servisu iha Portu entrada salele, kompostu husi Transito na’in 3 husi Nasional no na’in 2 husi Municipio Covalima.

Entertanto lansamento taka estiker viaturas ba kamioneta nebe tula sasan husi Indoensia mai Timor LJeste halo mos lansamento iha Portu Entrada sira seluk nebe maka Lokaliza iha Timor Leste.

Jornalísta : Tynho Gusmão

Editor : Chamot Nahac